NAKATAKDANG paimbestigahan ng Commission on Elections (Comelec) ang mga ulat na may mga lugar sa bansa na nagkaroon ng di pangkaraniwang pagtaas ng bilang ng mga botante.
Sinabi ni Comelec Chairman George Garcia na kabilang sa mga lugar na may biglaang pagdami ng bilang ng mga botante ay sa Makati, Nueva Ecija, Cagayan de Oro, at Batangas.
Katulad aniya sa isang lugar na nagkaroon ng dagdag na 18,000 bagong botante mula Pebrero nang magsimula ang voter registration hanggang Hulyo.
Ayon kay Garcia, may mga lugar na walang dahilan pero biglang tumaas ang populasyon ng mga botante mula 20 hanggang 40%.
Paliwanag ni Garcia, karaniwang ginagamit lang aniya ng mga ito sa requirements upang makapagparehistro ang isang botante ay ang pagpapakita ng barangay certification.
Nangangamba naman ang komisyon na maaring nagagamit na sa pamumultika ang mga botante.
Babala ni Garcia kung mapatutunayan ang iregularidad puwedeng nilang ipawalang bisa ang listahan ng mga botante at magsagawa ng panibagong special voter registration sa nasabing lugar.
PAUL ROLDAN
Related posts:
VOTERS HINIKAYAT NG COMELEC: GUMAWA NG KODIGO NG IBOBOTO
P50 NA KADA BOTANTE, ELECTION CAMPAIGN EXPENSES TINAASAN
59-M PINOY REGISTERED VOTERS NA
(Para makaboto) DEACTIVATED VOTERS MAGPAREHISTRO MULI-COMELEC
COMELEC NANAWAGANG MAGPAREHISTRO NA
COMELEC NAGPAALALA SA MGA BOTANTE
(Sa May 2025 elections) BILANG NG MGA DI MAKABOBOTO NADAGDAGAN
ONLINE APPLICATION FOR REACTIVATION, EXTENDED