IKATLONG BANGKAY NG PINOY OFW NATAGPUAN NA

PILIPINO Mirror
taiwan bridge

NATAGPUAN na ang bangkay ng ikatlong Filipino fisherman nawawala matapos na mabagsakan ng nag-collapsed na tulay sa Taiwan.

Ito ang inihayag ng Manila Economic and Cultural Office (MECO) kahapon na kung saan ay kinilalang si  Romulo Escalicas Jr.

Nitong Miyerkoles, na-recover naman ang labi ng dalawang naunang Filipino na tinukoy naman ng Department of Labor and Employment (DOLE) na sina Andree Serencio at  Gorge Impang.

Nabatid na may anim na Pinoy ang nasugatan at pinagkalooban ng tulong ng pamahalaan at maging ng Taiwanese president, ha-bang aayudahan naman ng MECO ang pamilya ng mga nasawi na nag-aabang na makapunta sila sa Taiwan para kunin ang bangkay ng mga mahal sa buhay.

Nabatid na nakunan ng CCTV footage biglang pagbagsak ng  140-meter long arch bridge na bumagsak sa tatlong fishing boats at nadamay ang isang petrol tanker habang tumatawid sa ilalim ng bumagsak na tulay.

Ayon kay  Manila Economic and Cultural Office (MECO) Director for Administration Gerry de Belen, hindi pa rin batid kung ano ang naging sanhi ng pag-collapsed ng tulay.

Nabatid na ang ginawang 460-feet Nanfangao Bridge  ay tinatawag ding “lover’s bridge” na nasa  Nan-fangao harbor sa  bayan ng Suao sa Yilan County nuong taong 1998. VERLIN RUIZ

Related posts:

taiwanBANGKAY NG OFW NA NAMATAY SA TAIWAN NAIUWI NA taiwan bridge(Sa gumuhong tulay sa Taiwan) 2 PINOY PATAY, 1 MISSING AT ANIM PANG OFWs SUGATAN taiwan bridgeP8.3-M PARA SA PAMILYA NG 3 OFWs NA NASAWI SA TAIWAN TAIPEIOFWs SA TAIWAN NANGANGAMBA VS COVID-19 Lito Banayo150K OFWs SA TAIWAN SAFE SA COVID-19 Default ThumbnailOFWs TODO INGAT VS SANDSTORM Default ThumbnailOFW WAGI SA DANCE COMPETITION Default ThumbnailOFWs MGA PINOY SA ISRAEL PINAG-IINGAT VS KILOS PROTESTA

Comments are closed.