MAGSASAGAWA ang transport group Manibela ng sarili nilang 3-araw na malawakang tigil-pasada simula ngayong Miyerkoles, Nob. 22, na kasabay ng huling araw ng nationwide protest ng Pagkakaisa ng mga Samahan ng Tsuper at Opereytor Nationwide (Piston).
Ang nakatakdang transport strike ay bilang protesta rin sa Dec. 31 deadline para sa mandatory jeepney franchise consolidation, na bahagi ng public utility vehicle modernization program ng pamahalaan.
“Simula bukas (ngayon), ang Manibela at iba pa nating kasamahan ay sasama na sa tigil-pasada nationwide,” sabi ni Manibela chairman Mar Valbuena sa isang press conference nitong Martes.
Sinabi ni Piston national president Mody Floranda sa CNN Philippines na magmamartsa sila sa huling araw ng kanilang protesta simula sa alas-9 ng umaga, mula Welcome Rotonda hanggang Mendiola.
Ayon kay Valbuena, kapag hindi pinalawig ang deadline ay magiging colorum sila pagdating ng Enero 1, 2024. Magreresulta, aniya, ito sa mas malaking transport strike sa susunod na taon.
“Kung hindi mai-extend, January 1 colorum na kami, siguradong mas malawak, mas matinding transport strike ang sasalubong sa bagong taon. Sinisigurado ko po iyan,” ani Valbuena.
Sinabi niya na hindi naman pinipilit ang mga miyembro ng Manibela na sumama sa transport strike.
“Hindi namin pinipilit ‘yung iba naming kasamahan. Kung ayaw po, hindi po natin dapat pilitin,” aniya.
Related posts:
(Ikinasa ng Piston, Manibela sa Dis. 18-29) MAS MALAKING TIGIL-PASADA
(Simula na ngayong Lunes) 12-ARAW NA TIGIL-PASADA TULOY
(Ngayong Lunes) TRANSPORT STRIKE TULOY NA TULOY
(Ikinasa ng Piston sa Dis. 14-15) 2-ARAW NA NATIONWIDE TRANSPORT STRIKE
(Itinutulak ng MMDA) EXTENDED LRT, MRT OPERATING HOURS
(Simula sa Enero 1) 50K PUJ DRIVERS MAWAWALAN NG TRABAHO
(Hiniling ng Piston sa SC) TRO VS PUV MODERNIZATION
(Sa pagpapatupad ng PUVMP) 64,000 PUJs MAWAWALAN NG PRANGKISA