PINAGHARIAN ni International Master Michael Concio ang katatapos na 2023 Balinas Open Rapid Chess Tournament na ginanap sa 2nd Floor Open Kitchen Foodhall, Rockwell Business Center sa Mandaluyong City nitong Sabado, Marso 18.
Nakaipon si Concio ng kabuuang 6.5 points matapos ang National Chess Federation of the Philippines 7-round Swiss System competition-sanctioned tournament na ipinatupad ang 10 minutes plus 5 seconds increment time control at nilahukan ng 254 manlalaro.
Sa katunayan ay tumapos si Concio sa triple tie kina International Master Daniel Quizon at National Master Mark Jay Bacojo na may magkakatulad na 6.5 points subalit nakamit ni Concio ang top honors sa bisa ng mas mataas na tie-break points.
Tinangap ni Concio ang premyong P20,000, habang naibulsa nina Quizon at Bacojo ang P10,000 at P7,000 para sa second at third, ayon sa pagkakasunod.
“Actually, I didn’t expect the outcome (results) but I decided to play it safe against NM Bob Jones Liwagon having an edge in the tie-breaks plus I saw the final game of (IM Daniel) Quizon versus (NM Mark Jay) Bacojo which seems to look drawish,” sabi ng 17-anyos na si Concio, Grade 12 student sa Dasmariñas Integrated High School.
Sina Concio, Quizon, at Bacojo ay miyembro ng star-studded Dasmariñas Chess Academy nina rep. Elpidio “Pidi” Barzaga Jr., mayor Jenny Barzaga at national coach FM Roel Abelgas.
MARLON BERNARDINO
