BULACAN – SINIBAK sa puwesto ang commander ng police community precinct sa Barangay Turo, Bocaue makaraang abandonahin ang kanilang tour of duty para lamang dumalo sa isang party.
Sa report na ipinadala ni Acting PNP Provincial Director Col. Emma Libunao, kinilala ang ni-relieve na opisyal na si Capt. Norheda Usman, 3rd platoon leader ng 1st Provincial Mobile Force Company.
Kasama rin sa sinibak sina Master Sgt. Siegfried Dizon, Staff Sgt. Benjamin Villasis Jr., Patrolman Ronald Manzanade Jr., at Patrolwoman Imee Sheryl Florentino.
Nabatid na ang police community prescinct na binabantayan ni Usman ay nasa sentro ng fireworks capital area sa bansa.
Kung saan naka-high alert status dahil sa inaasahang pagdagsa ng mga mamimili ng fireworks at pyrotechnic products para gamitin sa pagsalubong ng Bagong Taon.
Ayon kay Libunao, kailangan ng mahigpit na pagbabantay sa lugar upang matiyak ang kaligtasan ng mga consumers at ng mga tindahan
Aniya, mahigpit din na ipatutupad ang nakasaad sa Republic Act 7183 na Firecracker Law.
Sa bilang na 124 fireworks dealers, 65 sa kanila ay matatagpuan sa bayan ng Bocaue.
Samantala, papalit sa iniwang puwesto ni Usman si P/Capt. Michael Udal bilang bagong police community commander. THONY ARCENAL
Related posts:
P10-M AYUDA SA MGA NAULILA NG 7 PULIS NA NAMATAY SA MARAWI
PANIBAGONG TRAINING SA MGA PULIS
PULIS NA DINUKOT NG NPA LAYA NA
5 PULIS NA NANG-IWAN SA ERE SINIBAK
17 PULIS NA “NAGPABAYA” SA ESTASYON KINASUHAN
2 PULIS NA ‘ADIK’ NAKAHULI NG 3 PUSHERS
PULIS NA UMAWAT SA AWAY-LASING BINUGBOG
PULIS NASAMPOLAN SA INDISCRIMINATE FIRING
Comments are closed.