(Inaresto sa loob ng sabungan) HEPE NG CIDG UNIT 6 TIKLO SA ROBBERY EXTORTION

PILIPINO Mirror
arestado

NEGROS ORIENTAL – INA­RESTO ng Philippine National Police-Integrity Monitoring and Enforcement Group (PNP-IMEG) ang hepe ng Criminal Investigation and Detection Group (CIDG) unit 6 sa Bacolod City at isa pang sibilyan dahil sa sumbong na pangongotong noong Huwebes.

Kinilala ang suspek na si Bacolod CIDG Unit 6 Chief Police Major Melvin Madrona at kasama nitong sibilyang si Jay-ar Dela Cruz, 40-anyos.

Nahuli sila sa loob mismo ng Guanzon Cockpit Arena sa Mansilingan Bacolod City alas-5:35 ng hapon nang tanggapin ng mga suspek ang P5,000 mula sa nag­rereklamong may-ari ng bar.

Isinagawa ng PNP IMEG ang entrapment operation matapos na magreklamo ang mga may-ari ng KTV bar sa Bacolod City sa pa­ngongotong ng CIDG 6 chief.

Sa reklamo ng mga may-ari ng KTV Bar na sina Ashly Alba, Rosalie Pesquera at Rizaldy Claver sinalakay ng grupo ni Madrona ang kanilang bar noong Pebrero 8 kung saan naaresto ang 10 dan­cers at 12 Japanese customers su­balit pinalaya kapalit ng protection money.

Hihingian aniya sila ng P5,000 kada linggo para makapag-operate at ibibigay ang protection money tuwing araw ng Huwebes na nagsimula noong Pebrero 9.

Bukod pa ang hininging travel expenses, hotel accommodation at pagkain ng mga police operatives na nagkakahalaga ng P6,000. REA SARMIENTO

Related posts:

Chief-Supt-John-Bulalacao4 PULIS NA PUMASOK SA SABUNGAN SIBAK barilEX-CHAIRMAN ‘INALAT’ SA HARAP NG SABUNGAN sabunganPULIS AT TRADER TUMBA SA SABUNGAN Romulo AlbaceaLUCENA PNP MAY BAGO NANG HEPE  Sabungan‘KRISTO’ SA SABUNGAN ITINUMBA Ildefonso Miranda(Babaeng inmates ginawang lover) HEPE NG ARGAO POLICE PINOSASAN NG IMEG Romeo CaramatPRO CARAGA MAY BAGO NANG HEPE tambanganHEPE NG CIVIL SECURITY UNIT NG BULACAN TINAMBANGAN

Comments are closed.