(Inihahanda na ng gobyerno) REPATRIATION FLIGHT SA OFWS SA INDONESIA

MAGSASAGAWA ang pamahalaan ng repatriation flight sa mga Filipinong nasa Indonesia kung kinakailangan, ayon kay Department of Foreign Affairs (DFA) Undersecretary Brigido Dulay.

Ang Indonesia ay isinama sa listahan ng mga bansang may travel restrictions dahil sa banta ng Delta COVID-19 variant.

Bukod sa mga paliparan na posibleng babaan ng mga pasahero galing Indonesia, tiniyak ng DFA na mahigpit ding babantayan ang mga port sa bansa para mapigilan ang pagpasok ng naturang variant na sinasabing mas mabilis na nakahahawa.

Una na ring pinalawig ng pamahalaan hanggang Hulyo 31 ang ipinaiiral na travel ban sa mga biyahero mula sa United Arab Emirates, India, Pakistan, Sri Lanka, Oman, Nepal at Bangladesh.

Samantala, kinumpirma ni Dulay na maraming embassy staff na mga Filipino ang na-infect na rin ng COVID -19, gayundin ang ilang ambassador.

Sa kasalukuyan ay may 13 Pinoy sa Indonesia iniulat na ginagamot matapos magpositibo sa COVID-19. LIZA SORIANO

Related posts:

(Isusulong sa Senado) FULL INTEROPERABILITY SA GOBYERNO (Target ng gobyerno sa 2030) WALANG GUTOM NA PINOY (Ipinalalaan sa gobyerno) P370-B SA PAGBANGON NG ECONOMY (Ikakasa ng gobyerno) P120-B LOAN GUARANTEE SA SMALL BIZ (Dahil sa COVID-19 crisis) REMITTANCES NG OFWs APEKTADO REMITTANCES NG OFWs BUBULUSOK DAHIL SA COVID-19 PANDEMIC 100K OFWs NATULUNGAN NG GOBYERNO PARA MAKAUWI SA KANI-KANILANG PROBINSIYA CHARTERED FLIGHT NG OFWs SA BEIRUT PUNO NA