(Iniutos ni Duterte para mapababa ang presyo) BAWAS-TARIPA SA KARNE NG BABOY

UPANG pigilan ang patuloy na pagtaas ng presyo ng karne ng baboy, maging frozen o bagong katay, iniutos ni Pangulong Rodrigo Duterte ang pansamanta­ lang pagbabawas ng taripa sa nasabing produkto.

Ang hakbang ay kasunod ng pagsirit sa presyo ng pork products na epekto ng pananalasa ng African Swine Fever (ASF) sa mga babuyan.

Kahapon ay nilagdaan na ni Pangulong Rodrigo Duterte ang Exececutive Order No. 128 kung saan nakasaad ang temporary rate reduction sa taripa.

“There is an urgent need to temporarily reduce the Most Favoured Nation (MFN) tariff rates on fresh, chilled or frozen meat of swine to address the existing pork supply shortage, stabilize prices of pork meat, and minimize inflation,” nakasaad sa EO No. 128.

Sa ilalim ng Section 1608 ng  Republic Act No. 10863, pinalakas ni Pangulong Duterte ang interes ng pangkalahatang konsyumer ng pork products batay sa rekomendasyon ng   National Economic and Development Authority (NEDA) na naglalayong madagdagan o mabawasan, o alisin ang kasalukuyang rates sa  import duty.

Epektibo ang kautusan kapag naisapubliko sa Official Gazette o sa mga pahayagan na may general circulation at iiral sa loob ng isang taon mula sa paglathala. EVELYN QUIROZ

Related posts:

(Para mapababa ang presyo) 2K BABOY IKAKALAT SA METRO (Hanggang sa Abril 8) PRICE CAP SA BABOY, MANOK EXTENDED (Sa kabila ng pagbuhos ng imports – SINAG) PRESYO NG KARNENG BABOY MATAAS PA RIN (Sa mga susunod na buwan) PRESYO NG KARNENG BABOY BABABA PA (Dahil sa lumalaking demand) PRESYO NG BABOY, MANOK TUMAAS (Sasalubong sa Nobyembre) DAGDAG-PRESYO SA LPG, GASOLINA (Nagbabadya dahil sa serye ng oil price hike) TAAS-PRESYO SA KARNENG BABOY SRP SA MANOK, BABOY