POSIBLENG hindi gumalaw ang key interest rates sa darating na Huwebes kasunod ng pagbagal ng paglago ng ekonomiya sa second quarter ng taon, ayon sa mga analyst.
Sa kabila ng nagpapatuloy na inflation risks at pressure sa peso, sinabi ng mga analyst na maaaring ipagpatuloy ng Monetary Board ng Bangko Sentral ng Pilipinas (BSP) ang paghinto sa ikatlong sunod na pagpupulong.
Ang interest rate hikes ay natigil noong Mayo makaraang magsimulang kumalma ang inflation mula 18-year high na 8.7 percent noong Enero. Ang hindi paggalaw ng interest rates ay nagpatuloy noong Hulyo sa harap ng pagbagal pa ng inflation.
Ang benchmark BSP rate ay kasalukuyang nasa 16-year high na 6.25 percent.
Ang domestic inflation ay bumaba sa 4.7 percent noong Hulyo, subalit inaasahang muling tataas ngayong buwan matapos ang sunod-sunod na oil price hikes at ang pananalasa ng mga bagyo.
Ang average rate ay nananatiling nasa itaas ng target ng BSP na 6.8 percent subalit inaasahang pasok sa 2 hanggang 4 percent range sa monthly basis bago matapos ang taon.
Related posts:
(Sa kabila ng pagbilis ng inflation) INTEREST RATES NANATILI SA 6.25%
EKONOMIYA LALAGO NG 6-7%
EKONOMIYA USAD-PAGONG KAHIT BALIK-OPS NA ANG MARAMING NEGOSYO
EKONOMIYA NG PINAS NAKAAAHON SA PAGBUBUKAS NG MGA NEGOSYO
(Dahil sa kumpiyansa sa muling pagbubukas ng ekonomiya) FOREIGN INVESTMENTS BUMUHOS
(Bilang suporta sa economic recovery) INTEREST RATES NANATILI SA ALL-TIME LOW
INTEREST RATES ITINAAS SA 2.25%
(Income dumoble sa P41.8-M noong 2021) DIOKNO NANATILING HIGHEST-PAID GOV’T OFFICIAL