(Ipagkakaloob ng ilang resto, retailers simula sa Hunyo 1) VACCINE DISCOUNT, INCENTIVES

SIMULA sa Hunyo 1 ay may ilang res­ taurant at retailer na magbibigay ng discount at incentives sa lahat ng mga nabakunahan na kontra COVID-19.

Layon nito na maengganyo ang mga Filipino na magpabakuna.

Gayunman, hindi ito maaaring isabay sa ibang discount tulad ng senior citizen at PWD.

Ayon kay Eric Teng, presidente ng Resto.PH, beberipikahin din nila kung ang mga dokumento ay peke o hindi.

Para makakuha, aniya, ng discount, kakailanganing mag-dine in ang customer.

Magkakaloob naman ng dicount o freebies ang ilang retailers tulad ng mga department store, hardware, pharmacy, shoe store at iba pa.

Nilinaw ni Teng na voluntary ito, at kanya-kanya silang diskarte upang makatulong para mas dumami ang magpapabakuna.

Naniniwala ang mga negosyante na mas mabilis na makakabawi at sisigla ang mga negosyo kung marami ang magpapabakuna sa buong bansa.

Related posts:

PCV MONOPOLY BINUWAG NG DOH, HTAC  PAGPAPABILIS SA PAGDATING NG BAKUNA MAGAWAN SANA NG PARAAN COVID-19 VACCINATION PROGRAM  BILL  LUSOT NA SA SENADO! (Target ng Pinas) LOCAL VACCINE PRODUCTION (Sa COVID-19 vaccination program) CONSTRUCTION WORKERS ISAMA SA PRIORITY LIST MAGPABAKUNA TAYO (Sinimulan na ng DA-BAI) VACCINE TRIALS VS ASF (Inalmahan ng DTI) MANDATORY VACCINE PASS