(Ipinalalatag sa CSC) WFH SCHEME GUIDELINES

HINILING ni Albay Rep. Joey Salceda sa Civil Service Commission (CSC) na maglabas ng guidelines kaugnay sa work from home scheme sa harap ng patuloy na pagtaas ng kaso ng COVID-19 sa bansa.

Ayon kay Salceda, hanggang ngayon ay mayroon pa ring mga tanggapan sa gobyerno ang pinipilit ang kanilang mga empleyado na pumasok sa trabaho kahit pa maaari naman silang magtrabaho kahit nasa bahay.

Pinaglalabas ng kongresista ang CSC ng mga alintuntunin na susundin ng mga ahensiya  ng pamahalaan para sa mga empleyado na kinakailangan talagang pisikal na pumasok sa trabaho para punan ang kanilang essential functions at sa mga kawani naman na maaaring mag-work from home.

Inihalimbawa ng mambabatas ang mga pribadong sektor na bihasa na sa pagpapatupad ng work from home scheme.

Sinabi pa ni Salceda na malaki rin ang matitipid ng mga opisina kung papayagan at pananatilihin muna ang ganitong sistema na work from home sa mga empleyado.

Una nang ipinag-utos ni ­Pangulong Rodrigo Duterte na ibaba sa 30% hangagng 50% ang working capacity sa mga tanggapan ng gobyerno sa GCQ areas. CONDE BATAC

Related posts:

(Kahit marami ang naka-lockdown) SERBISYO NG GOV’T AGENCIES TULOY-TULOY (Bukas sa mga Pinoy) LIBO-LIBONG WFH JOBS (Suportado ng Australian BPO firms) WORK FROM HOME SCHEME (Sa Alert Level 1) WORK FROM HOME OPTIONAL NA 5 TIPS SA MGA ENTREPRENEUR NA WORK FROM HOME (Suportado sa Senado) PAGPAPALAWIG SA WFH PROGRAM (Isinusulong sa gitna ng lumalalang problema sa transportasyon) WFH SETUP SA GOV’T WORKERS CSC MAY PAHAYAG SA HAMON NA COURTESY RESIGNATION NG MGA POLICE COLONEL, GENERAL