NANANAWAGAN si Manila Archbishop Luis Antonio Cardinal Tagle mula sa mga mamamayan ng panalangin para sa mga residente ng Mindanao na naapektuhan ng naganap na paglindol kahapon.
Ayon kay Tagle, mahalaga ang panalangin para sa katatagan at kaligtasan ng mga biktima ng 6.6 magnitude na lindol na kasalukuyang nakararanas ng trauma partikular ang mga lugar na labis na napinsala.
“Nanawagan kami sa inyong lahat, una, panalangin sa Panginoon sa kaligtasan ng ating mga kapatid na naapektuhan ng lindol,” pahayag ni Tagle, sa panayam ng church-run Radio Veritas.
Hiling pa ng cardinal sa Diyos na protektahan ang mamamayan ng Mindanao mula sa matitinding pinsala at patuloy na pagyanig bunsod ng mga aftershock.
Umaasa rin si Tagle na maging bukas ang buong sambayanan sa paglingap sa mga biktima gayundin sa mga gusali at simbahang nasira ng malakas na pagyanig.
“Kapag nanawagan ang mga Dioceses, mga parokya sa lugar na ‘yun, sana ay maging bukas palad tayo sa pagtugon,” ani ng Cardinal.
Samantala, ayon naman kay Kidapawan Bishop Jose Colin Bagaforo, nanatili sa labas ng mga tahanan ang mga residente dahil sa pangamba sa maaring pinsala ng lindol kung saan tinatayang limang Simbahan ang naiulat na nasira.
Nanawagan din ng panalangin ang rector ng Our Lady of Mediatrix of All Grace sa kanilang kaligtasan.
Ayon kay Father Jun Balatero, rector ng Kidapawan cathedral, bukas ang simbahan sa mga evacuee. ANA ROSARIO HERNANDEZ
Related posts:
(Pangangailangan nakita sa lindol sa Mindanao) PHIVOLCS ISAMA SA DDR
DSWD TINIYAK NA SAPAT ANG TULONG SA MGA NILINDOL
TULONG HINILING NG OBISPO PARA SA MGA BIKTIMA NG LINDOL
P2-M EMPLOYMENT ASSISTANCE SA WORKERS NA NILINDOL
(Hiningi ni Cardinal Tagle) PAGKAKAISA, TULONG SA MGA NILINDOL
CARDINAL TAGLE MANGUNGUNA SA MARCH FOR MARY AND FILIPINO FAMILY
CARDINAL TAGLE NAPILI NI POPE FRANCIS
MGA BIKTIMA NG BAGYONG URSULA IPANALANGIN -CARDINAL TAGLE
Comments are closed.