LAOAG CITY – PANSAMANTALANG ipagbabawal muna ng lokal na pamahalaaan ng Ilocos Norte ang pagbisita o pagdaong ng anumang klase ng cruise ship.
Ito ang nakapaloob sa Executive Order No. 52-20 series of 2020 na inilabas at pinirmahan ni Governor Matthew Marcos Manotoc para maiwasan ang pagkalat ng coronavirus disease.
Sa nasabing EO, sasailalim sa 14-day quarantine ang mga cruise ship na nanggaling sa mga bansa na may kumpirmadong kaso ng COVID-19.
Dahil dito, kailangang magpatupad ng preventive measures sa mga residente na babalik, bibiyahe at mga nanggaling sa mga bansang may kaso ng naturang virus.
Nauna rito, may mga cruise ship na dumadaong sa Ilocos Norte upang makapamasyal ang mga sakay na dayuhan sa mga tourist destinations sa lalawigan.
Nabatid na sa pinakahuling talaan ng Department of Health (DOH), umabot na sa mahigit 2,100 ang mga namatay at mahigit 75,000 na katao ang apektado ng COVID-19.
Related posts:
AIRPORT SA CAGAYAN ALERTADO VS NCOV
CHEMICAL WARFARE IKA-KASA NG PNP VS NCOV
PROVINCIAL HEALTH OFFICE NAKAALERTO VS CORONAVIRUS
SCREENING SA MGA DAYUHAN IPINATUPAD SA CAGAYAN
RED ALERT STATUS SA HEALTH AUTHORITIES AT BARANGAY LEVEL SA PARAÑAQUE CITY
(Sa harap ng pagkalat ng nCoV ARD) TEMPORARY LOCKDOWN SA MGA PNP TRAINING SCHOOL IKINOKONSIDERA
CAVRAA MEET 2020 SA ISABELA IPINAGPALIBAN DAHIL SA NCOV
OSPITAL SA LAS PIÑAS ‘DI NAKA-LOCKDOWN
Comments are closed.