LALAGDAAN na ngayong Huwebes ng pamahalaan ang Implementing Rules and Regulations (IRR) ng Republic Act 11223 o kilala bilang Universal Health Care (UHC) Law.
Ayon kay Department of Health (DOH) Secretary Francisco Duque III, ang ceremonial signing ay idaraos dakong 10:00 ng umaga sa isang Hotel sa Pasay City.
Bagama’t naging matipid sa pagbibigay ng detalye hinggil dito, tiniyak naman ni Duque na ilalahad niya sa publiko ang nilalaman ng IRR, sa sandaling malagdaan na ito.
Sinabi ng kalihim na binuo nila ang IRR, base sa serye ng kanilang isinagawang mga konsultasyon sa iba’t ibang sektor sa buong bansa.
Sa sandali aniyang malagdaan, ilalathala sa mga pahayagan ang IRR ng batas sa loob ng 15-araw at magkakaron ng promulgasyon, hanggang sa tuluyan na itong maipatupad.
Sa ilalim ng RA 11223, magkaroon ng health care coverage ang lahat ng mga Filipino, partikular na ang mga mahihirap.
Nabatid na kabilang sa mga probisyon ng batas ay maging miyembro ng Philippine Health Insurance Corporation (PhilHealth) ang bawat Pilipino at mabigyan ng mga libreng serbisyong-pangkalusugan. ANA ROSARIO HERNANDEZ
Related posts:
UNIVERSAL HEALTH CARE ‘DI NAKALUSOT SA BICAM
UHC BILL MAKATUTULONG SA MAY MALALANG SAKIT
PONDO NG UNIVERSAL HEALTH CARE PROGRAM MATUTUSTUSAN
LGUs ISINAILALIM SA ORIENTATION SA PAGPAPATUPAD NG UNIVERSAL HEALTH CARE
IRR NG UHC NALAGDAAN NA
HOSPITALS NA ‘DI SUSUNOD SA UNIVERSAL HEALTH CARE LAW, KAKASUHAN
CHILDREN WITH DISABILITIES DAPAT SAKLAW NG UNIVERSAL HEALTH CARE
Comments are closed.