KINUMPIRMA ng Department of Foreign Affairs (DFA) na isa pang Pinoy ang namatay sa pag-atake ng militanteng grupong Hamas sa Israel.
Gayunman ay hindi muna pinangalanan ni Foreign Affairs Secretary Enrique Manalo ang namatay na Pinoy sa pakiusap na rin ng pamilya ng biktima.
“Out of respect for the wishes of the family, we shall be withholding details on the identity of the victim. But we have assured the family of the government’s full support and assistance,” wika ni Manalo sa isang post.
Sa isang radio interview nitong Huwebes, sinabi ni DFA Undersecretary Ed de Vega na ang ika-4 na Filipino victim sa Israel ay isang caregiver.
Ayon kay De Vega, ang biktima ay isa sa tatlong Pinoy na nawawala nang atakihin ng Hamas ang Gaza noong October 7. Ang tatlong iba pang Pinoy na nasawi sa Hamas attack ay sina Angeline Aguirre, isang nurse; Paul Vincent Castelvi, isang caregiver, at Loreta Alacre, isa ring caregiver.
Nasa 30,000 Pilipino ang nagtatrabaho sa Israel, karamihan ay caregivers at nurses.
Related posts:
(Alert Level 4 itinaas sa Gaza) MANDATORY REPATRIATION SA MGA PINOY
1ST BATCH NG PINOY REPATRIATES MULA ISRAEL NAKAUWI NA
(Sa Nobyembre 6) 45 PANG PINOY MULA SA ISRAEL UUWI NA
160 PINOY SA SUDAN NAGHIHINTAY NG REPATRIATION
(Binabantayan ng BSP) EPEKTO NG ISRAEL-HAMAS WAR SA INFLATION
ALERT LEVEL 2 ITINAAS SA ISRAEL
(Alert Level 3 itinaas sa Gaza) VOLUNTARY REPATRIATION SA MGA PINOY
MGA PINOY NA MALAPIT SA SOUTHERN BORDER NG LEBANON PINALILIKAS NA