ISRAEL AT LEBANON MAY NAITALANG KASO NG COVID-19

NADAGDAG ang mga bansang Lebanon at Israel sa mga bagong bansa na may  mga kaso ng coronavirus disease 2019, ayon sa  World Health Organization (WHO).

Sa isang situation report  ay sinabi ng  WHO  na  dagdag ang mga kasong ito sa  76,392 confirmed cases at 2,348 deaths sa  China  habang  1,402  ang kumpirmadong kaso at 11  ang nasawi sa labas ng China.

“The role of environmental contamination in the transmission of COVID-19 is not yet clear,” ayon sa WHO.

Ang  mga kaso ng coronavirus  ay nakita sa  central China  Disyembre 2019  hanggang sa kumalat ito sa mga bansang South Korea, Japan, Singapore, Malaysia, Australia, Vietnam,  Philippines, Cambodia, Thailand, India, Nepal, Sri Lanka, US, Canada, Germany, France, Italy, United Kingdom, Russian Federation, Spain, Belgium, Finland, Sweden, Iran, United Arab Emirates at Egypt.

Nitong Pebrero 18, naglathala ang WHO  ng bagong protocol  na pinamagatang “Surface sampling of coronavirus disease 2019: A practical “how to” protocol for health care and public health professionals”.

“This protocol was designed to determine viable virus presence and persistence on fomites in various locations where a COVID-19 patient is receiving care or isolated, and to understand how fomites may play a role in the transmission of the virus,”  ayon sa WHO.

Ipinayo ng WHO  ang  madalas na paghuhugas ng mga kamay,  pag-iwas sa  paglapit sa mga farm and wild animals,   paggamit ng  cough etiquette, at pag-iwas sa mga taong  may mga acute respiratory infections  upang makaiwas na mahawahan.

Idineklara rin ng  WHO  ang  COVID-19 outbreak  bilang international health emergency. PNA