JAPAN B.LEAGUE: THIRDY, SAN-EN NANGAPA VS HIROSHIMA

NAHIRAPAN si Thirdy Ravena sa kanyang tira sa kaagahan ng laro at nagkumahog ang kanyang San-en team kontra NeoPhoenix sa Hiroshima Dragonflies, 76-67, sa aksiyon sa Japan Professional Basketball League (B.League) sa Hiroshima Sun Plaza Hall kahapon.

Umangat ang Hiroshima sa 4-1 ngayong  season habang bumagsak ang San-en sa below .500 na may 2-3 kartada.

Tumapos si Ravena na may pitong puntos lamang sa 3-for-12 (25%) shooting, kung saan ang lahat ng kanyang field goals ay nagmula sa second half. Kumalawit din siya ng tatlong rebounds at nagbigay ng isang assist sa mahigit 31 minutong paglalaro.

Nanguna para sa San-en si  Elias Harris na may 23 points habang nagbida si Gregory Echenique sa Dragonflies  na may 17 points at 9 rebounds.

Humabol ang San-en sa 35-20 first half deficit upang makalapit sa tatlong puntos, 36-33, sa half.

Subalit hindi sila nakaporma sa second half kung saan bumanat sina Hiroshima’s Thomas Kennedy at Ryo Terashima ng big shots sa krusyal na sandali.

Nagsalpak si Kennedy ng limang three-pointers upang tumapos na may 15 points para sa  Dragonflies habang nag-ambag si Terashima ng 13.

Related posts:

RAVENA, NEOPHOENIX KINAPOS SA SHIMANE BACK-TO-BACK WINS KAY THIRDY, NEOPHOENIX PSA SPECIAL AWARDS KAY RAVENA, 2 PA SHIGA, SAN-EN ‘OLAT’ NA NAMAN JAPAN B. LEAGUE: THIRDY SINUSPINDE, PINAGMULTA THIRDY PALALAKASIN ANG GILAS SA FEBRUARY QUALIFIERS KIEFER, THIRDY  PANGUNGUNAHAN ANG GILAS SA VIETNAM SEA GAMES THIRDY PUMIRMA NG BAGONG KONTRATA SA SAN-EN NEOPHOENIX