PINAG-AARALAN ng Land Transportation Franchising and Regulatory Board (LTFRB) ang posibleng muling pagbiyahe ng mga pampublikong jeep sa katapusan ng Hunyo.
Sa pagdinig ng House Committee on Metro Manila Development, sinabi ni LTFRB chairman Martin Delgra na natukoy na ng transport authorities ang 100 hanggang 104 rationalized jeepney routes na bubuksan sa sandaling alisin ang quarantines dulot ng COVID-19.
“We’re looking at on or before the end of the month,” wika ni Delgra.
Ang lahat ng uri ng pampublikong transportasyon ay sinuspinde nang isailalim ang buong Luzon sa enhanced community quarantine noong Marso upang mapigilan ang pagkalat ng COVID-19.
Pinalawig naman ang general community quarantine na nagsimula noong Hunyo 1 sa Metro Manila at iba pang urban centers hanggang Hunyo 30.
Pinapayagan ang mga piling public transport, kabilang ang P2P buses, trains, ride-hailing services at bicycles sa limited capacity sa ilalim ng GCQ.
Nauna nang dumaing ang transport groups na marami na sa hanay ng jeepney at bus drivers sa buong bansa ang nagugutom dahil sa kawalan ng hanapbuhay.
Related posts:
P2.3-M HALAGA NG EURO-4 JEEPNEYS DARATING SA GENSAN
PAGKAIN AT BASIC NEEDS IBIBIGAY NG GOBYERNO
TSANSA NA MAILIPAT ANG BIRD FLU SA TAO, MALIIT LANG-DA
STATE OF CALAMITY IDINEKLARA SA BUONG BANSA
DOH DIRECTOR MAY COVID
KASO NG COVID-19 202 NA, DEATH TOLL: 17 AT 7 ANG GUMALING
BONG GO NAGPASALAMAT SA BIR, DOF
DUQUE, NA-EXPOSE SA COVID 19, NAG-HOME QUARANTINE
Comments are closed.