JERIC RAVAL YUMAMAN SA ‘BUY AND SELL’ NG USED LUXURY CARS

HANGGANG ngayon ay visible pa rin sa kaniyang acting career ang action star-businessman na si Jeric Raval na sumikat ng husto noong early 90s. Sa kanyang comeback noong 2014 ay agad napasabak si Jeric sa ilang teleserye ng ABS-CBN tulad ng matagal ng nagtapos na We Will Survive at The Good Son at nagkaroon ito ng mahaba-habang partisipasyon sa ongoing pa ring number one show ni Coco Martin na “FPJ’s Ang Pro­bin­s­yano” at may movie rin na ginawa si Jeric under Viva Films.

We heard na bukod sa pagiging wais sa kanyang kinita sa showbiz ay pinasok din ni Jeric ang negosyong ‘buy and sell’ kung saan bumibili siya at nagbebenta ng mga used luxury cars at magkatuwang sila ng kanyang non-showbiz wife rito.

EAT BULAGA NAG-IISANG PILANTROPONG SHOW SA TV

AYAW biguin ng pamunuan ng Eat Bulaga na Tape Incorporated ang mga kababayan natin o dabarkad sa iba’t ibang mga ba-rangay sa Mega Manila sa kanilang pag-asang maambunan ng swerte sa malalaking papremyong ipinamimigay araw-araw sa “Sugod Bahay sa Barangay” kasama sina Bossing Vic Sotto, Joey de Leon, Allan K (sa studio) at sa remote area na sina Jose, Wally, Paolo, at Maine Mendoza.

Sa laki ng mga ipinagkakaloob ng Bulaga sa daily sugod bahay winner ay maituturing na sila ang pilantropong show sa local TV. Imagine may give ng cash ang iba’t ibang sponsor ay pinagkakalooban pa ang nanalo ng bonus na passbook at ATM card na may laman ng pera tapos may P50k to P70k pa na tulong pangkabuhayan ng programa sa maliit na negosyong ipatatayo ni Mister o Ginang winner. At mula sa sariling bulsa o kaban ng EB ang pinakakawalan nila sa public service segment nilang ito na hindi mata-patan ng kalabang show. Dalawa sa katuwang ng EB sa pagkakawanggawa nilang ito ay ang Coca Cola Botling Company at ang Puregold.

INTERNET SHOW HOST LIZA JAVIER DUMARAMI ANG FOLLOWERS

MAY ilang fans si Liza Javier na kinukulit kami sa text at iisa ang kanilang tanong kung nagpalit na raw ba ng kanyang screen name ang idol nilang singer/musician at popular deejay ng dalawang internet show na “Kalye Solution” at “Beauty Live” na parehong napapanood ng live worldwide via ‘D Crazy Horse Internet network.

Sa Official Facebook account ni Liza ay Veronica Javier na nga ang pangalan niyang makikita dito e, bakit nga ba nag-change ng kanyang name ang singer samantalang marami na ang nakakakilala sa kanya sa pangalang Liza Javier. Siguro may rason ito kung bakit siya nagdesisyong magpalit pero sa aming palagay ay hindi pa ito final lalo’t sa original na screen name na Liza siya nakilala ng mga tagahanga niyang kapwa Pinoy at Japanese. Kukunin natin one of these days ang paliwanag ni Ms. Javier ukol sa isyung ito. Pero ‘yung regalo niya sa kanyang fans sa October ay tuloy na tuloy ito.