ANG BILANG ng mga Pinoy na naghahanap ng trabaho ay higit sa anim na beses ng available job vacancies noong 2016, ayon sa Philippine Statistics Authority (PSA).
Sa datos ng PSA, may kabuuang 91,175 professional job vacancies noong Enero 2015 hanggang Hunyo 2016, subalit may 559,636 applicants sa naturang panahon.
May kabuuang 698,683 vacancies at 3.82 million job seekers naman sa nasabing panahon.
“(The data) presents statistics on job openings or vacancies that were made available for placements by establishments during the 18-month period covering January 2015 to June 2016 specifically for professional positions,” sabi ng PSA.
May surplus o mahigit 10 job seekers per vacancy sa mining at quarrying, professional, scientific, at technical activities.
Ayon pa sa PSA, may 71 applicants na nag-apply para sa bawat bakanteng posisyon bilang mining engineers, metallurgist at mga kaugnay na professionals.
Ang iba pang occupations na may surplus ng applicants ay ang paramedical practitioners, policy administration professionals, financial at investment advisers at financial analysts na may mahigit 20 applicants per vacancy.
“Occupational surplus occurs when there is abundance of applicants in a vacant position, assumed if there are excess or more than 10 applicants per vacancy,” sabi pa ng PSA.
Habang may mas maraming job seekers kaysa available positions, may kakulangan naman ng applicants sa human health at social work activities, gayundin sa water supply, sewerage, wage management, at remediation activities.
Sa professionals, kulang ang mga aplikante sa physiotherapists; nursing professionals; economists; dentists; pharmacists; social work at counseling professionals; education; agriculture, forestry and fishing; at art entertainment at recreation na may aplikante na dalawa hanggang apat lamang per vacancy. CAI ORDINARIO
Comments are closed.