HANGGANG ngayon maraming fans pa rin ni John Lloyd Cruz ang gustong bumalik na ang actor sa
showbiz world at kahit si Ellen Adarna.
Pero mukhang matatagalan pa ang pagbabalik-showbiz ng celebrity couple.
Kamakailan, ay may nagbahagi sa social media hinggil sa masayang larawan nina Lloydie at Ellen with a caption, “Masaya sa simpleng buhay!”
Tsika nga ng aming source “let them be happy. I saw them na nag-e-enjoy sila sa kanilang parenthood.”
Para nga naman sa isang pamilya ang mabiyayaan ka ng anak ay napakasaya sa puso.
Pareho nilang ginusto ang lumayo sa showbiz at kahit maraming intriga silang naririnig hindi nila pinapatulan.
Nu’ng una, marami ang hindi matanggap ang naging relasyon ng dalawa lalo na sa parte ni John Lloyd at ng kanyang fans.
Pero ngayon, dahil nakikita nilang masaya ang actor sa piling ni Ellen, tanggap na nila ang naging desisyon ni Lloydie – ang piliin si Ellen at iwan ang showbiz. Ayon sa tagahanga ng actor, kung ang makapagpapasaya raw sa actor ay ang simpleng buhay, susuportahan nila ang kanilang idolo.
ANGELINE QUINTO NAKATATANGGAP NG DEATH THREAT
HINDI na nakatiis ang singer na si Angeline Quinto at nag-post na siya sa kanyang FB account na nakatatanggap siya ng death threats.
Mabait pa nga ang singer dahil bago niya ni-reveal ang mga nanakot sa kanya ay humingi pa muna siya ng pasensiya.
Ani Angge sa kanyang FB, “wala akong atraso sa ‘yo Kian, hindi nga kita kilala at sa ‘yo Alma Cruz (dati kong kasama sa bahay).”
Hindi raw niya nakikita ngayon ang mga ito, pero ang dami raw niyang natatanggap na mga salita mula rito.
Inaanyayahan pa ng singer na kung alam ang bahay nila ay puntahan siya at nakiusap pang ‘wag mangdamay ng ibang tao.
“Kesyo pagbabanta na papatayin ako at lahat dito sa bahay. ‘Wag ganu’n. Hindi tama, e.”
Nagbabala si Angeline na kung may mangyaring masama sa kanya o sa pamilya niya mas mainam na raw na nai-post niya ang mga nanakot sa kanya.
Paalala lang sa singer sana mas mainam na ipa-blotter niya ang lahat-lahat nang sa ganu’n if ever na may mangyari nga sa kanya ay may matutukoy agad ang alagad ng batas.
Comments are closed.