JOHN LLOYD CRUZ NAGBABADYA ANG PAGBALIK SA ABS-CBN

DAHIL sa reformat ng sitcom na Home Sweetie Home ay umaasa ang ilang netizens na babalik ang original star ng sitcom na si John Lloyd Cruz. Pero walang makapagkumpirma ng pagbabalik ng actor.

Maging ang isa sa cast ng sitcom na si Miles Ocampo ay walang masabi kung babalik nga ba si Lloydie.

Matatandaang October 2017 nang magpaa­lam si JLC sa sitcom for personal reason.

Ayon kay Miles ay nakakausap pa rin daw nila si Lloydie at happy naman daw ito sa tinatahak na buhay.

“In touch pa rin po kami ni Kuya Lloydie pero hindi kasi ako nagtatanong ng anything  related sa trabaho. Nahihiya po kasi ako. Pero nagkukumustahan po kami. Okey naman po siya. He`s  very happy.

“With regards sa sitcom, wala naman po silang sinasabi sa amin about Kuya Lloydie. ‘Yung tungkol kay Piolo lang po ang alam namin,” pahayag ni Miles.

Nakatakdang magpaalam si Piolo sa sitcom dahil mag-aaral  sa abroad. Nasabi rin ni Miles na sa reformat ng show ay may bagong characters na papasok sa cast.

“May mga bagong madadagdag po sa pamilya namin. Thankful po ka­ming lahat kahit maraming pi­nagdadaanan ang HSH ay nandito pa rin po kami. Tuloy pa rin ‘yung show namin,” say pa ni Miles.

Anyway, kahit wala pa ring magkumpirma na babalik si Lloydie sa sitcom ay naniniwala ang karamihan na babalik at babalik pa rin ang actor dahil anuman ang mangyari ay siguradong haha­napin pa rin nito ang pag-arte sa harap ng camera.

Sana lang pagpasok ni Lloydie ay hindi pa huli at nandoon pa rin ang init ng pagtanggap sa kanya at hindi sana dumating ang panahon na pinaglipasan na rin siya ng pansin ng masa.

SHEENA HALILI NAKIISA SA BREAST CANCER AWARENESS

INIWAN ni Sheena Halili ang kanyang bra sa New Zealand at ito ay kanyang ipinagsigawan pa sa Instagram wall. Naka-post sa kanyang IG wall na idinikit pa niya ang stick on bra sa dibdib ng concrete headless mannequin at nilagyan pa niya ng kanyang pangalan ang cap ng bra.

Ang ginawa niyang pag-iwan ng kanyang bra ay bilang pakikiisa sa Breast Cancer Awareness. Nasa Cardrona Bra Fence si Sheena na kung saan makikita ang sangkatutak na bra na kusang iniwan ng mga turistang babae na mula sa iba`t ibang panig ng bansa.

Isa rin si Sheena sa may magandang mukha at katawan sa showbiz pero kahit anong pilit ay hindi niya magawang magpaseksi sa isang pelikula.

Magmula rin na masugatan ang kanyang puso ay naging mailap na rin siya sa pagtanggap ng manliligaw. Ayaw na niyang mangyari na magmahal pero hindi naman tinumbasan ang kanyang tapat na pagmamahal.

o0o

NAGTAMO ng ma­raming kalmot si Anne Curtis dahil sa bagong ala­gang pusa. Sa Instagram ay ipinakita ng actress sa mga fan ang kanyang natamong kalmot gawa ng kanyang makulit na pusa.

“Struggle of having a new kulit kitten. Ang sakit!” say ni Anne sa caption ng video.

Dahil sa mga kalmot ay humingi ng paumanhin si Anne kay Direk Paul Laxamana, director ng movie na binubuo nila for this year kung saan makakasama niya si Marco Gumabao.

Ayon pa kay Anne, kahit daw mayroon siyang galos at kalmot ay hindi siya aatras sa project nila ni Direk Laxamana.

Makikita rin sa sumunod na video ni Anne sa Instagram story na balewala ang mga kalmot dahil game pa rin siya sa kanyang intense workout.