ISANG belgian Shepherd dog ang binigyan ng parangal ng Explosive Ordinance Disposal (EOD) K-9 Group bilang pagkilala sa inilaan nitong serbisyo sa PNP matapos na ito ay bawian ng buhay sa edad na 9 taong gulang at 5 buwan sa Bicutan,Taguig City.
Ayon kay Veterinarian PEMS Imelda Betsayda na siyang nag-alaga kay EDD “ALI” ito ay ipinanganak nuong Oktubre 12, 2012 at binawian siya ng buhay nitong lamang Huwebes, Agosto 18 dahilan na sa kanyang katandaan.
Ayon kay PEMS Betsayda si EDD “ALI” ay mula sa ibang bansa na idinonate sa PNP ng mga Amerikano.
Si EDD “ALI” ay nagsilbi sa PNP ng mahigit 7 taon at 3 buwan, isa siya sa pinakamatalino, masunurin at masipag na aso lalo na pagdating sa trabaho sa labas.
Isa si EDD “ALI” na nededeploy sa mga malalaking event gaya ng APEC Summit at mga International event. EVELYN GARCIA