NEGROS OCCIDENTAL- PATAY ang isang babaeng balikbayan matapos pagsasaksakin ng live-in partner nito sa Sipalay City sa lalawigang ito.
Kinilala ang biktima na si Enelisa Petua at suspek na si Jhondad Sase.
Ayon kay Sipalay City Police Chief Maj. James Latayon, posibleng selos ang nag-udyok kay Sase upang paslangin si Petua.
Aniya, bumili ng kutsilyo si Sase habang lasing at pumunta sa boarding house ni Petua kung saan nagkaroon ng away ang dalawa dahil sa umano’y ka-chat na foreigner ng biktima.
Matapos nito ay pinagsasaksak ni Sase si Petua ng 50 beses na base sa mga sugat na natamo ng biktima.
DWIZ 882