KABAYANIHAN NI ANDRES BONIFACIO

FRANICS TOLENTINO

GINUGUNITA natin sa araw na ito ang ika-155 na kaarawan ng isa sa pinakadakilang bayani ng ating bayan, si Andres Bonifacio. Paano man turingan, maging ito ay Ama ng Katipunan o Ama ng Himagsikan o ang Dakilang Plebyano, hindi maipagkakaila ang napakahalagang ambag ng tinaguriang Supremong Katipunan sa kasaysayan at kalayaan ng mga Filipino.

Bagamat hindi nakapag-aral ng mahabang panahon katulad ng ibang mga bayani ng bansa, hindi masasabing kapos ang kabayanihang ipinamalas ni Gat Andres Bonifacio.  Sa pamamagitan ng sari­ling sikap at pagtitiyaga, naitaguyod ni Bonifacio ang kanyang sarili at mga kapatid sa kabila ng kanilang maagang pagkaulila sa ama’t ina.  Dahil sa likas na pagkahilig sa karunungan at kaunting kakayahang makabasa, pinagbuhusan ng panahon ni Bonifacio ang pagbabasa ng mga nobela ni Dr. Jose Rizal, ang tala ng buhay ng mga pangulo, ang premyadong aklat na Le Miserables, at iba pang lathalain na nagpaalab ng kanyang damdaming makabayan at nagbunsod sa kanya upang bumuo ng samahan na kalaunan ay tatawaging Katipunan.

Likas ang pagiging lider ni Andres Bonifacio kung kaya’t mabilis siyang nakahikayat ng mga kasapi sa Katipunan. Sa pamamagitan ng unang Sigaw sa Pugad Lawin kasabay ng pagpunit ng kanilang mga sedula, naipahayag ng mga Katipunero sa pamumuno ni Bonifacio ang kanilang pagsalungat sa utos ng mga mananakop at paglaban para sa kalayaan at kasarinlan ng bayang Filipinas. Kung tutuusin, ang unang hakbang para sa pagkamit ng kalayaan ay pinamunuan ni Andres Bonifacio at ng kanyang mga kapanalig.  Sila ang mga unang tumindig at humawak  ng armas upang makipaglaban sa kalupitan at pananakop ng mga dayuhan.  Nakalulungkot lamang din na kapwa Filipino ni Andres Bonifacio ang humatol at tumigis sa kanya patungo sa kanyang kamatayan.

Si Andres Bonifacio ay simbolo ng katapa­ngan at kabayanihan ng mga Filipino. Hindi man sumulat ng maraming aklat o lathalin, at hindi man nagkamit ng mataas na edukasyon sa  mga unibersidad,  taglay ni Andres Bonifacio ang tunay na diwa ng kaba­yanihan na handang mag-alay ng sariling talino, ng sariling lakas at katawan at handang tumindig at harapang makipaglaban sa kaaway.  Ang katapa­ngang kanyang ipinamalas sa digmaan ay tunay na naglalarawan sa katatagan at katapangan na nag-uugat sa likas na pagkamakabayan nating mga Filipino.

Sa kanyang ika-155 kaarawan, manatili nawang buhay ang alaala ng kabayanihan ni Andres Bonifacio at magsilbing ningas ng pag-asa at ins­pirasyon para sa mga bayani ng kasalukuyang panahon.

4 thoughts on “KABAYANIHAN NI ANDRES BONIFACIO”

  1. 438483 175096After study many with the content in your internet site now, and i also truly a lot like your way of blogging. I bookmarked it to my bookmark site list and are checking back soon. Pls take a look at my web page also and inform me how you feel. 669975

  2. 641388 249368This internet site is actually a walk-through it genuinely will be the details you wanted concerning this and didnt know who to inquire about. Glimpse here, and you will absolutely discover it. 622877

Comments are closed.