NANINIWALA si Senador Bam Aquino na ang pagbibigay ng dekalidad na edukasyon sa bawat Filipino at binigyang diin ang mahalagang papel ng mga guro ang siyang susi sa pag-unlad ng bansa.
“Kaya ipinaglaban at itinulak namin ang libreng edukasyon sa state universities and colleges (SUCs) at dagdag scholarship sa mga private university dahil naniniwala kami na napakahalaga ng edukasyon,” ani Aquino sa kanyang talumpati sa Carl Balita Review Center Ultimate Finale Coaching sa Philippine Arena sa Bocaue, Bulacan.
Tinukoy nito na mahalaga ang “Education for all” na siyang armas sa pagpapaunlad ng bayan, na siyang nakapaloob sa Republic Act 10931 o Universal Access to Quality Tertiary Education Act.
Binigyang diin nito ang papel ng mga guro sa lalo pang pagpapaganda ng kalidad ng edukasyon sa Filipinas at sa pag-unlad ng bansa.
“Bilang senador, nakita namin na ang pinakamahalagang aspeto ng edukasyon ay ang ating mga guro. Batay sa pag-aaral, ang antas ng edukasyon sa isang bayan ay nakasalalay kung gaano kagaling at kasaya ang mga guro,” ani Aquino.
Mabibigyan din ng scholarship grants ang mga estudyante ng pampubliko at pribadong kolehiyo at unibersidad na isa pang benepisyo ay ang loan program, kung saan maaaring mangutang ang mga estudyante para sa ibang gastusin sa pag-aaral.
Kamakailan, pinaalalahanan ng senador ang SUCs na ilegal na ang pangongolekta ng mandatory at miscellaneous fees mula sa mga estudyante sa ilalim ng RA 10931. VICKY CERVALES
Related posts:
EDUKASYON ISA SA PARAAN PARA MAKAAHON SA HIRAP — PANGULONG DUTERTE
KALIDAD NG EDUKASYON PINATUTUTUKAN
MALAKANYANG NANANATILING TIWALA SA SISTEMA NG EDUKASYON SA BANSA
MALAWAK, MABILIS NA INTERNET, KAILANGAN SA PAGBANGON NG EKONOMIYA, EDUKASYON
EDUKASYON PARA SA BAWAT MAG-AARAL NA MAY KAPANSANAN ISINUSULONG
(Sa World Teachers’ Day) KAPAKANAN NG FRONTLINERS SA EDUKASYON ISINUSULONG
KAUNLARAN, DE-KALIDAD NA EDUKASYON, INFRA DEVELOPMENT DADALHIN NI BBM SA LANAO DEL NORTE