(Kailangan ng gobyerno) P20-B SA COVID VAX SA TEENS

NASA P20 billion ang kakailanganin ng pamahalaan upang mabakunahan laban sa COVID-19 ang mga nakababatang populasyon ng bansa, ayon kay Finance Secretary Carlos Dominguez III.

“About P20 billion for approximately 15 million teenagers,” wika ni Dominguez.

Ginawa ni Dominguez ang pagtaya kasunod ng mga ulat na pinayagan na ng US regulators ang paggamit sa COVID-19 vaccine ng Pfizer at BioNTech para sa mga batang may edad na 12.

Hinihingi rin ng Pfizer ang British approval para sa paggamit ng COVID-19 vaccine nito sa mga may edad 12 hanggang 15.

Sa ilalim ng 2021 General Appropriations Act, ang Philippine government ay naglaan ng P82.5 billion para sa mass vaccination program na masasakop ang 55% ng populasyon ng bansa.

Sa anti-COVID vaccination program ng pamahalaan ay nasa 50 hanggang 70 million Filipinos ang target na mabakunahan subalit ang age bracket ay 18 at pataas.

Ayon kay Dominguez, bukod sa P20 billion para sa bakuna ng mga tinedyer, may P55 billion din ang kakailanganin para sa pag-bili ng booster shots.

Sinabi kamakailan ni vaccine czar Secretary Carlito Galvez Jr. na kinokonsidera ng gobyerno ang pagbili ng booster shots ng Moderna para sa COVID-19.

“We found out that Moderna is developing a booster. ‘Yung booster na ‘yun, puwedeng gamitin kahit na Sinovac o kahit na Gamaleya ang ating nauna,” sabi ni  Galvez sa isang hearing sa Kongreso.

Related posts:

(Apela sa gobyerno) PRIVATE SECTOR PAYAGANG BUMILI NG COVID-19 VACCINES DELTA VARIANT MITSA NG MAS MATINDING PANDEMYA; AGARANG AKSIYON NG GOBYERNO KINA-KAILANGAN (Biz groups sa gobyerno) PUBLIC TRANSPORT DAGDAGAN (Ikinakasa ng gobyerno) AYUDA SA MGA PINOY SA SHANGHAI (Target ng gobyerno sa 2030) WALANG GUTOM NA PINOY FACTORY, LABOR SECTOR MATATAG SA KABILA NG KRISIS SA COVID-2019 (Ipinalalaan sa gobyerno) P370-B SA PAGBANGON NG ECONOMY (Ikakasa ng gobyerno) P120-B LOAN GUARANTEE SA SMALL BIZ