SORSOGON-ISANG pulis ang nasawi makaraang atakehin ng mga miyembro ng New People’s Army (NPA) ang kampo ng 504th Police Maneuver Company sa Pilar sa lalawigang ito.
Kinilala ang nasawi na si Ryan Atos, miyembro ng nasabing police unit.
Ayon kay Major Maria Luisa Calubaquib, Bicol police spokesperson na umalingawngaw ang putok ng baril sa nasabing kampo sa Barangay Esperanza.
Naganap ang pamamaril dakong ala- 6:45 ng gabi.
Nakaporma naman ang mga pulisya at lumaban ng palitan ng putok na umabot sa 15 minutos.
Kinondena ni Police Region Office 4 Regional Director BGen. General Jonnel Estomo ang pag-atake ng rebelde laban sa pulisya. EC
