KANDIDATO AARESTUHIN KAPAG SUMOBRA SA 2 ANG ESCORTS

DALAWANG security escort lamang ang maaaring maitalaga sa bawat kandidato sa election period para sa midterm elections.

Ito ang paalala ng  Philippine National Police (PNP) sa mga kandidato sa 2019 midterm elections.

Sinabi ni PNP Spokes­person Senior Superintendent Bernard Banac  na maaa­ring bigyan ng security escort mula sa  PNP at Armed Forces ang isang kandidato   kung mayroong banta sa kaniyang buhay. Dapat  din ay na-validate ito ng Commission on Elections (Comelec).

Kapag lumagpas sa dalawa ang kinuhang escort ng bawat kandidato,  maari itong  maaresto dahil sa paglabag sa  batas sa panahon ng eleksiyon.

Hinikayat  ni Banac ang publiko na i-report ang mga kandidatong  lalabag sa naturang polisiya.

Layunin  ng paglimita ng bantay o escort  na pulis sa mga kandidato  ay upang  maiwasan ang tensiyon sa kasagsagan ng eleksiyon.          VERLIN RUIZ