SERYOSONG nagbabala si Manila Mayor Isko Moreno na magpatupad ng mas istriktong localized lockdowns sa lungsod kung patuloy na darami ang aktibong kaso ng coronavirus disease 2019 (COVID-19).
Ayon sa alkalde, sakaling magpatuloy ang nakikita nilang pagtaas ng mga kaso ng sakit ay hindi siya magdadalawang isip na mag-lockdown ng distrito o area upang makontrol ito.
“Kung sakaling magtuloy iyong nakikita natin ngayon, hindi ako mangingime maglockdown in a concerned district or area kasi we contin-ue to do self prevalence or self-surveillance,” ani Moreno.
Sinabi pa ng alkalde, magiging nakakaalarma ang mga kaso ng COVID-19 sa Maynila kung aabot ito sa 1,100 active infections.
Ayon pa dito, inaasahan na rin naman niya na magkakaroon ng pagbabago sa bilang ng mga kaso ng sakit sa Enero, 2021 dahil na rin sa pagdami ng COVID-19 infections ngayong Disyemnre.
“We are in the middle of December and there is already a growth. We might be expecting different numbers by January,” dagdag pa nito.
Iniulat pa ng alkalde na hanggang nitong Disyembre 15 ay mayroon pang 359 aktibong kaso ng virus sa Maynila na tinatayang mayroong 2.4 milyong populasyon. VERLIN RUIZ
Related posts:
(Dahil sa COVID infections) PLM 2 LINGGONG LOCKDOWN
(150 sundalo makikipagpatintero sa pasaway) HARD LOCKDOWN SA SAMPALOC, MANILA NGAYON
ASUNTO SA 130 VIOLATORS NG SAMPALOC HARD LOCKDOWN
(Pagsirit ng COVID-19 cases pipigilan) LOCKDOWN SA 31 BRGY SA MAYNILA IKINASA
(Kahit naka-lockdown) P12-B TAX NAKOLEKTA NG MANILA GOV’T
2 WEEKS LOCKDOWN SA NAVOTAS
(Senior officer dinapuan ng COVID-19) 2 ARAW NA LOCKDOWN SA DND OFFICE IPINATUPAD
2,824 LOCKDOWN VIOLATORS ARESTADO SA NAVOTAS
Comments are closed.