KINALAMPAG ni Committee on Transportation Chairman Edgar Mary Sarmiento ang Department of Transportation (DOTr) na madaliin ang pagsasagawa ng adjustments sa Dalian train.
Ito ay bunsod na rin ng pangamba ng paglala ng traffic ngayong papalapit na Christmas season.
Iginiit ni Sarmiento na dapat madaliin ng DOTr ang pagkakaroon ng 20 operational trains pagsapit ng pasko upang madagdagan ang kapasidad ng MRT3.
Aniya, ang mga Dalian train ay available at ready nang gamitin matapos ang mga adjustment na ginawa para umakma sa riles ng MRT3.
Ang kinakailangan na lamang ay tiyakin ang safety tests para ligtas ang mga pasahero sa oras na gamitin ito.
Aminado si Sarmiento na bagaman nagkaroon ng improvement sa operasyon ng MRT 3 nang magpalit ng maintenance service provider, malaking hamon pa rin ang capacity ng MRT lalo pa ngayong holiday.
Ayon pa kay Sarmiento, maliban sa Christmas rush ay asahan ang lalo pang paglala ng traffic dahil sa sabay-sabay na pagpapagawa ng MRT 7, extension projects sa LRT Line 1 at 2, Skyway extension at iba pang major road works sa Metro Manila.
Kung madadagdagan ang bilang ng MRT trains ay mas pipiliin ng publiko na sumakay ng tren kaysa ang ma-stuck sa traffic sa EDSA. CONDE BATAC
Related posts:
MRT-3 BAWAS ANG KITA
93 BAGONG AIRCON NAIKABIT NA SA MRT-3
100K STUDES LIBRE SA MRT-3
PAGPAPALIT NG RILES NG MRT-3 GAGAWIN HANGGANG PEBRERO 2020
MRT OPS BALIK-NORMAL NA
33 BAGONG AIRCON IKINABIT SA COACHES NG MRT-3
PAGKAKABIT NG FIBER OPTIC CABLES NG MRT-3 90% COMPLETE NA
ROAD TO KINIS RILES NG MRT-3 TULOY-TULOY
Comments are closed.