KAPATAGAN NABUNGKAL NG JPS ZAMBOANGA SA VISMIN CUP

NADOMINA ng JPS Zamboanga City ang Kapatagan tungo sa impresibong 89-53 panalo sa 2021 Chooks-to-Go Pilipinas VisMin Super Cup Mindanao Leg Biyernes ng gabi sa Ipil, Zamboanga Sibugay.

Nasustinihan ng JPS ang 24-8 bentahe sa first quarter at matikas na nabusalan ang bawat pagtatangka ng Buffalo Braves na makabawi sa laban para masungkit ang panalo sa kauna-unahang pro league sa South.

Nahila ng Zamboanga ang bentahe sa 64-39 mula sa matikas na 11-1 run tungo sa final period.

Nanguna si Gino Jumaoas sa ratsada ng Zamboanga sa kinamadang 13 puntos, habang kumana sina Rudy Lingganay at Mac Cardona ng 12 at 11 puntos, ayon sa pagkakasunod.

Kumubra naman ang beteranong si Jerwin Gaco ng 10 puntos at siyam na rebounds.

Samantala, nagdesisyon ang mga opisyal na ikansela ang main game sa pagitan ng Iligan Archangels at ALZA Alayon Zamboanga bunsod ng patuloy na pag-ulan na naging sanhi para maging madulas ang playing court.

Abante ang Zamboanga del Sur sa 13-11 nang kanselahin ang laro.  EDWIN ROLLON

Iskor:

Zamboanga City (89) – Jumaoas 13, Lingganay 12, Cardona 11, Gaco 10, Belencion 8, Yu 7, Salim 7, Espinas 7, Ferrer 6, Matias 4, Alvarez 4, Jeruta 0, Neypes 0, Waminal 0.

Kapatagan (53) – Monte 11, Mandreza 10, Palma 10, Teodoro 7, Inigo 5, Fajarito 5, Doroteo 2, Gabawan 2, Sollano 1, Siarot 0, Costelo 0, Alanes 0, Acain 0, Incio 0, Tabaquero 0.

QS: 24-8, 39-29, 64-39, 89-53

Related posts:

VISMIN CUP: ZAMBOANGA CITY SA ‘FINAL 4’; KAPATAGAN NAKAHIRIT VISMIN CUP: BASILAN 3-0; KAPATAGAN NAKAIWAS SA LUBAK PAGADIAN, KAPATAGAN TUMATAG SA VISMIN CUP VISMIN CUP: KAPATAGAN SUMALO SA LIDERATO PAGADIAN, KAPATAGAN SA FINAL FOUR NG VISMIN CUP ZAMBOANGA CITY, ROXAS NAKAUNA VISMIN CUP: ROXAS NAKAUNA SA ZAMBOANGA CITY BASILAN VS ROXAS SA VISMIN CUP FINALS