KAPIT SA IKA-2 PUWESTO PATATATAGIN NG MANDAUE

Team Standings

                                           W  L

MJAS-Talisay*                 8   0

KCS-Mandaue                  5   2

ARQ Lapu-Lapu               4   4

Tabogon                           3   5

Dumaguete                      1   5

Tubigon Bohol                 1    6

*Clinched semis berth

 

Mga laro ngayon:

(Alcantara Civic Center, Cebu)

3 p.m. – Tubigon Bohol vs KCS-Mandaue

7 p.m. – Dumaguete vs MJAS-Talisay

SISIKAPIN  ng KCS Computer Specialist-Mandaue City na makabawi para patatagin ang kapit sa solong ikalawang puwesto sa pakikipagtipan sa naghahabol na Tubigon Bohol sa pagpapatuloy ng second round ng Chooks-to-Go Pilipinas VisMin Super Cup Visayas leg ngayon sa Alcantara Civic Center sa Cebu.

Target ng KCS na makabangon mula sa 73-81 pagkatalo sa nangungunang MJAS Zenith-Talisay City noong Sabado at malaki ang tsansa nila laban sa kulelat na Bohol side. Ang naturang kabiguan ang pumutol sa five-game winning streak ng Mandaue City para sa 5-2 karta sa double-round elimination ng pinakaunang pro basketball league sa South sa pagtataguyod ng Chooks-to-Go at may basbas ng Games and Amusements Board (GAB).

Nakatakda ang salpukan sa alas-3 ng hapon.

Sa main game sa alas-7 ng gabi ay puntirya ng MJAS Zenith Talisay na mapanatili ang malinis na kartada laban sa Dumaguete Warriors.

Target ng Talisay City ang ika-9 na sunod na panalo na magpapatibay sa kanilang paghahangad na maitala ang ikalawang sunod na ‘sweep’. Ngunit anuman ang maging resulta ay sigurado na ang Talisay City sa isang semifinals slot