QUEZON CITY – PATAY ang kapitana ng Brgy. Silangan gayundin ang driver nito habang apat na iba pa ang sugatan kabilang ang tatlong bata nang pagbabarilin sa JP Rizal Street, Brgy. Bagong Silangan.
Kinilala ang mga biktima na si Chairwoman Crisell “Beng” Beltran at driver na si Melchor Salita habang sugatan ang apat na iba kasama ang tatlong bata sa pamamaril.
Nasa biyahe ang kapitana kasama ang iba pang biktima bandang alas-11:40 ng umaga habang binabagtas ang JP Rizal St. lulan ng Ford Everest na kulay puti na may Plate number NDO – 612 nang bigla na lamang sumulpot ang dalawang motorsiklo na at pinaputukan ang mga ito at mabilis na tumakas.
Agad namang dumating ang mga tauhan ng PCP 4 Brgy. Bagong Silangan na sina PO1 Jessie Boy Passion at PO2 Luzon at tumulong sa pagdala sa FEU Medical Center sa mga biktima subalit pasado alas-12 ng tanghali ay binawian na ng buhay ang kapitana.
Sa pagsisiyasat, tinamaan ng bala sa ulo si Beltran habang si Salita ay dead on arrival sa naturang pagamutan. PAULA ANTOLIN /MT BRIONES
Comments are closed.