KAPUSO STARS BIDA SA ISANG ANIME SERIES

GROUND-BREAKING ang pinakabagong anime na ‘Barangay 143’ dahil ito ang first ever Pinoy-made anime na mapanonood sa GMA at sa buong Filipinas. Ang mga karakter nitong si Vicky, Bren, Jinri, at Wax ay bibigyang buhay ng mga Kapuso stars. Si Julie Anne San Jose for Vicky, Migo Adecer para kay Bren, Kelley Day kay Jinri, at Ruru Madrid for Wax.

Naipakita ng Pinoy ang galing nito sa animation, at mas nakaka-excite dahil Pinoy din ang magbibigay buhay rito. Maipapakilala ang Pinoy culture mula sa isang medium na nag-originate sa Japan kaya nakakabilib ang proyektong ito. Abangan ang Barangay 143 ngayong Oktubre sa GMA.

NAR CABICO NAKARAMPA NA SA PARIS, NAKA-1M VIEWS PA

DESERVE ng Kapuso star na si Nar Cabico ang blessings na natatanggap niya dahil matagal niyang pinaghirapan ang kung ano mang meron siya ngayon. Kasalukuyang nasa Paris ang total performer ng Kapuso Network, at nadagdagan ang kasiyahan niya nang malamang umabot na sa 1 million views ang kanyang ‘GAGA’ music video. Bukod pa rito, napansin din siya nina Lea Salonga at Aga Muhlach at bilib ang dalawa sa talento ng Kapuso star.

Hindi matawaran ang kilig ni Nar dahil nag-comment pa si Aga Muhlach sa kanyang video, at inamin nitong isa siyang fan. Sino ba naman ang hindi kikiligin, hindi ba? Congrats, Nar! You deserve this!

ALEXANDER LEE AT DASURI CHOI MAKIKIGULO SA IWALY

MASAYANG ibinahagi ni Kapuso oppa Alexander Lee sa kanyang fans na magiging bahagi siya ng top-rating romcom series na Inday Will Always Love You (IWALY).

Lumipad recently patungong Cebu si Alexander kasama ang fellow Korean actor at Day Off segment host na si Dasuri Choi upang mag-shoot kasama ang IWALY cast na pinangungunahan ni Barbie Forteza. Sa kanyang IG story, nagpapasalamat si Alexander sa GMA dahil binigyan daw siyang muli ng Kapuso Network ng pagkakataon na maging bahagi ng shows nito. Kahit guesting lang ang gagawin ni Alexander sa show ni Barbie, marami pa ring fans ang umaasa na mas matagal ang stay niya rito kung ‘di naman ay maging bahagi talaga siya ng romcom series. Mukhang namiss talaga ng kanyang Pinoy fans si Alexander, huh!