CAVITE – Bumagsak sa kamay ng awtoridad ang 26-anyos na karnaper na may kasong murder at attempted homicide na may ilang buwang nagtago makaraang masakote ng mga operatiba ng pulisya sa isinagawang malawakang manhunt operation sa bahagi ng Barangay Zone 4, Dasmariñas City, kamakalawa.
Isinailalim sa tactical operation ang suspek na si Jeremaya “Checheng” Tiengco y Del Rosario ng San Marino Subd. sa Baran-gay Salawag, Dasmariñas City.
Base sa ulat na nakarating kay Supt. Nerwin Ricohermoso, si Tiengco ay may warrant of arrest na inisyu ni Judge Dennis Pas-trana ng Regional Trial Court Branch 90 sa Dasmariñas City sa kasong murder at walang piyansang inirekomenda.
Ayon pa sa pulisya, bukod sa kasong murder ay may nakabinbin ding kasong carnapping (RA 10883) at attempted homicide na inisyu ni Judge Dioanne Palao ng MTCC laban kay Tiengco.
Bukod sa mga kasong kriminal na kinakaharap ni Tiengco ay nakumpiskahan din ito ng 3 plastic sachets na shabu at ilang drug paraphernalia.
Kasalukuyang naghihimas ng rehas na bakal ang suspek makaraang isailalim sa medical at physical examination. MHAR BASCO
Comments are closed.