BATANGAS – WALA nang makukuhang impormasyon ang mga awtoridad sa posibleng kakikilanlan ng mastermind sa kontrobersyal na Percy Lapid slay case nang magbaril umano sa sarili ang sinasabing kasabwat sa pagpatay sa radio broadcaster na si Percival Mabasa sa kalagitnaan ng isinasagawang law enforcement operation sa lalawigang ito.
Kinilala ang sinasabing kasabwat bilang si alias Orly na nangungupahan sa isang kuwarto kasama ang kanyang pamilya sa Lipa City nang puntahan ito ng awtoridad.
Sa inisyal na ulat ay sinasabing nagpakamatay ang itinuturong kasabwat ng gunman sa pagpatay sa broadcaster na si Percy Lapid nang silbihan ito ng arrest warrant na kinilalang si Jake Mendoza, 40-anyos, alyas Orly na naaresto na at nakulong noong Nobyembre 2020 dahil sa iligal na droga.
Ayon kay National Capital Region Police Director Jose Nartatez Jr., ang kasabwat ng self-confessed gunman na si Joel Escorial ay nagbaril sa sarili sa loob ng banyo sa Lipa City, Batangas sa nasabing pagsisilbi ng warrant.
“Nagbaril po siya sa sarili niya in-front of the negotiator at ng pinsan niya,” ani Nartatez sa isang panayam.
Kinilala ang sinasabing kasabwat bilang si alias Orly na nangungupahan sa isang kuwarto kasama ang kanyang pamilya sa Lipa City, nang puntahan ito ng awtoridad.
Sa umpisa ay nagmatigas umanong sumuko ang suspek sa kalagitnaan ng raid kaya nagpaputok ang operatiba.
Sa katunayan, ani Nartatez, hinostage pa nito ang kanyang live-in partner at kanyang anak. Pero sa huli ay pumunta raw sa banyo si Orly at binaril ang kanyang sarili.
Ayon sa pulisya, si Orly ang kausap ng sumukong gunman na si Joel Escorial hinggil sa planong pagpatay kay Lapid at malaking tulong sana ang testimonya nito sa pag-usad ng kaso.
Magugunitang namatay rin ang isang Jail Officer na itinuturing na kasabwat o kapwa akusado sa pagpatay kay Percy Lapid na si Jake Mendoza.
Ayon sa PNP walang foul play sa pagkamatay ni Ricardo Zulueta na akusado sa pagpatay kay Percy Lapid, at base umano sa medical certificate nito ay nasawi siya sanhi ng pagdurugo sa ulo.
VERLIN RUIZ
