BUMABABA na ang kaso ng African Swine Fever (ASF) sa bansa makaraang ianunsiyo ang outbreak nito noong 2019, ayon sa Department of Agriculture (DA).
Batay sa datos ng DA, hanggang noong Marso 31, 2022, naitala na lamang ang aktibong kaso ng ASF sa 2 rehiyon, 4 na lalawigan, 7 munisipalidad at 20 barangay.
Malaki ang ibinaba ng bilang ng ASF kung ikukumpara ito noong 2019, kung saan kumalat ito sa 3,657 barangays mula sa 679 siyudad at munisipalidad, na matatagpuan sa 51 probinsya.
Sinabi naman ni DA Sec. William Dar na may dumating na mga bagong bakuna laban sa ASF na ngayon ay isinasailalim sa pagsusuri.
Maganda, aniya, ang unang resulta ng vaccine trials, ngunit hindi nito isiniwalat kung anong kompanya ang lumikha sa naturang bakuna.
Ayon pa sa kalihim, irerekomenda nila sa susunod na administrasyon ang malawakang pagbabakuna sa mga apektadong baboy kung magiging positibo ang resulta ng ikalawang bahagi ng vaccine trial. DWIZ 882
Related posts:
(Sinimulan nang ipamahagi ng DA-PCIC Region 2) BAYAD-PINSALA SA ASF-AFFECTED HOG RAISERS
(Sa Ilocos region) ASF ‘UNDER CONTROL’
(Displaced hog raisers aayudahan ng DA) 6 NA BAYAN SA BATANGAS ASF-FREE NA
69 KASO NG ASF NAITALA SA 29 BAYAN
(Ipinamahagi ng DA) AYUDA SA ASF-AFFECTED HOG RAISERS
(3 rehiyon na lang ang apektado) ASF CASES BUMABABA NA
(Kahit bumaba na ang kaso ng ASF) SUPPLY NG BABOY KULANG PA RIN
(P1.697-B na ang naipalabas ng DA) BAYAD-PINSALA SA ASF-HIT HOG RAISERS