NAKATAKDANG sampahan ng kaso sa Pasay City Prosecutors Office ng Philippine National Police Aviation Security Group (PNP-AVSEGROUP) ang isang Security Screening Officer ng Office of the Transportation (OTS) matapos nakawin nito ang relo ng Chinese passenger Sun Yuhong patungong Hongkong.
Kinilala ang suspek na si Valeriano Diaz Ricaplaza Jr., 31-anyos, nakatalaga sa Ninoy Aquino International Airport (NAIA) bilang screening officer sa Departure Area.
Naganap ang insidente nitong Miyerkules sa may departure area ng NAIA Terminal 1 kung saan kinuha ng suspek ang relo sa hand carry bag ng biktima.
Agad na inaresto ang suspek ng mga tauhan ng PNP Avsegroup at kasalukuyang sumasailalim sa imbestigasyon kasabay ang paghahain ng kasong Theft o pagnanakaw laban Ricplaza sa Pasay City Prosecutors Office. FROILAN MORALLOS