KATRINA HALILI HAPPY SA PAGIGING SALBAHE

HINDI na bago sa televiewers ang pagi­ging isang kontrabida ni Katrina Halili sa mga teleseryeng ginagawa niya sa Siyete, pero by this time ay super level up na ang pagiging kontrabida ni Katrina sa teleserye nila ni Megan Young ang “The Stepdaughters.”

Karamihan sa viewers ay galit na galit kay Katrina, they take it personally against the sexy actress. Dumating na kasi sa puntong super bad na si Katrina at handa ng patayin lahat ng mga taong sa palagay niya ay sagabal sa kanyang kaligayahan at tagumpay. Maging si Katrina man ay maloka-loka sa bashes na tinatanggap niya, nag-level up na rin talaga. Kung makakaharap nga lang daw niya ang mga heto ay malamang gutay-gutay na ang kanyang byuti sa bugbog na aabutin niya sa mga ito.

Kung dati-rati ay medyo affected pa si Katrina sa mga bash sa kanya, ngayon ay tila mas happy pa siya kesehodang below the belt na ang banat sa kanya.

Say ni Katrina, pag nababasa nga raw niya ang haters niya ay natatawa na lang siya at nagpapasalamat pa sa mga ito, isa lang daw kasi ang ibig sabihin nito para kay Katrina, isa siyang effective na actress at kontrabida.

KRISTOFFER MARTIN LIHIM NA KAAWAY NI ALDEN

ISA si Kristoffer Martin sa mga kabataang artista natin sa ngayon ang masa­sabing may staying power sa showbiz world. Bukod kasi sa guwapo at hunk, may angking galing sa acting talent, mapa-drama man, comedy o action.

Sabi nga isang magandang project lang siguradong mahahanay na rin si Kristoffer sa mga leading man natin sa ngayon. Willing naman mag-antay si Kristoffer at hindi naman siya nawawalan ng project sa GMA7. Ngayon ay kasama siya sa bagong teleserye ni Alden Richards na “Victor Magtanggol” at happy si Kristoffer sa bago niyang project dahilan first time para sa kanya na maging isang kontrabida. Magiging lihim na kaaway ni Alden si Kristoffer na sa sobrang sama ay lagi niya nilalagay si Victor Magtanggol sa panganib.

Ani ni Kristoffer first time niyang sasabak sa mga matitinding suntukan sa isang teleserye kung kaya nag-training pa siya ng martial arts para lang mabigyan ng justice ang kanyang role. Inamin din ng magaling na young actor na sa tanang buhay niya ay hindi pa siya napasubo sa anumang rambolan o awayan na may pisikalan. Never pa raw siyang nakasuntok ng tao at nasuntok man lang siya. Marunong naman daw siyang sumuntok kaya nga lang hindi pa niya nasubukan na makapanakit ng tao.