NORTH COTABATO – UMAABOT sa milyong halaga ng ari-arian ang naabo makaraang masunog ang 24 kabahayan sa bahagi ng Purok Chiko sa Mariano Cuenco Street sa Barangay Poblacion, Kidapawan City, kahapon ng umaga.
Sa inisyal na ulat ng pulisya, bandang alas-8:30 ng umaga nang magsimula ang sunog kung saan nagmula sa bahay ng pamilya Abelgas hanggang sa kumalat ang apoy sa katabing bahay.
Nabatid na pumutok ang linya ng koryente kung saan nadamay ang manipis na kurtina bago nasunog ang motorsiklong nakaparada.
Gayunman, sumabog ang tangke ng gasolina ng motorisklo kaya mas lalong lumaki ang apoy kung saan tatlong motorsiklo pa ang nasunog ha-bang ilang bahay naman ang nadamay.
Gawa sa light materials ang mga bahay na dikit-dikit pa kaya mabilis na kumalat ang apoy hanggang sa maapula bandang alas-10 ng umaga.
Pansamantalang nasa evacuation center sa covered court sa Barangay Magsaysay ang mga nasunugan na umabot sa 28 pamilya. MHAR BASCO
Comments are closed.