QUEZON CITY – ARESTADO ng mga tauhan ng Quezon City Police District sa ilalim ni Chief Supt. Joselito Esquivel Jr. ang lalaking nagtangkang magpuslit ng armas sa LRT Line 2 sa Cubao Station kahapon.
Kinilala ang naaresto na si Roland Ribot, 49-anyos, ng Brgy. San. Roque.
Dumaan ang suspek sa frisking area papasok sa nasabing transport utility alas-2:51 ng hapon, nang mapansin ng sekyu na si Roberto Hanggot y Castigador na naka-assign sa naturang estasyon.
Nakapa ni Hanggot ang matigas na bagay na nasa kaliwang bulsa nito at nang tignan ay napag-alamang isa palang kalibre .25 browning pistol na naglalaman ng siyam na bala.
Dito na ipinagbigay alam ng guwardya ang nakitang armas at agadnamang itinurn-over sa mga pulisya mula sa Cubao Police Station at arestuhin ang suspek, haharap sa kasong paglabag sa RA 10591 o illegal possession of firearms.
Kasalukuyan na ngayong nakapiit ang suspek sa estasyon ng pulisya habang haharapin naman ang kasong isinampa laban sa kanya. PAULA ANTOLIN
Related posts:
LRT PASSENGERS NAANTALA SA BIYAHE
BAKAL NAHULOG SA CONSTRUCTION SITE, 4 VENDORS SUGATAN
(Pinilit buksan ng pasahero) SALAMIN NG LRT SUMABOG
MISTER NABUHUSAN NG NATUTUNAW NA BAKAL
PNR, LRT, MRT BANTAY SARADO VS BOMBERS
(Nawindang sa mahabang pila) DOTR SEC. PERSONAL NA SUMAKAY SA MRT, LRT
(Seguridad tiniyak sa Kapaskuhan) BUS TERMINALS, LRT, MALLS ININSPEKSYON NG PNP
Comments are closed.