KIKO & HEAVEN BREAK NA AGAD?

HANGGANG sa mga oras na ito ay nananatiling tikom ang bibig nina Kiko Estrada at Heaven Peralejo sa umano’y hiwalayan nila. Pero nag-unfollow na si Kiko kay Heaven sa Instagram noong September 2 at tinanggal niya rin ang mga larawan nilang dalawa. Expected na ng marami na ganun din ang gagawin ni Heaven. True enough, Heaven did the same. Bukod sa pag-unfollow kay Kiko, wala na rin sa Instagram feed niya ang mga larawan nila ni Kiko.

Nito lang August, ina­min ng dalawang may relasyon sila, tapos, heto at biglang pumutok ang hiwalayan nila. Katatapos lang nilang mag-celebrate ng third monthsary kung saan very proud pa nilang ipinasilip sa mga netizen ang mga romantic photos nila together.

Hindi man nagbibigay ng pahayag, aminado si Heaven na tila “roller coaster” ang pinagdaanan niya nitong mga nakaraang buwan, kaya nagdesisyon siyang tutukan muna ang kanyang sarili. “Right now, I’m in the phase of loving myself. No joke,” sabi pa ni Heaven.

Hindi kaya naapektuhan si Heaven sa ma­titinding batikos ng mga bashers kaya bigla siyang nakipagkalas kay Kiko? Duda kasi ng mga taong nakapaligid sa dalawa, hindi inasahan ni Heaven na masasangkot siya sa kontrobersiya at makakatanggap ng matinding pangba-bash. Or baka naman daw natuklasan ni Heaven na hindi pa pala tuluyang tapos ang relasyong Kiko at Devon Seron? Well, pulos espekulasyon lang ang lahat ng iyan. Tanging sina Heaven at  Kiko lamang ang nakakaalam ng katotohanan kaya huwag natin silang pangunahan.

KORINA SANCHEZ PATOLA NA RIN SA BASHER

Nakisali na rin sa nauuso ngayon at pinag-uusapang #howmuchhave youchangedchallenge sa social media ang host ng Rated Korina na si Korina Sanchez. Buong pagmamalaking ipinost ng 56-year-old veteran broadcaster sa kanyang Instagram ang body transformation niya mula noon hanggang ngayon. Sa old photos niya, halatang may kalakihan pa si Korina, pero ngayon, kinaiinggitan ang magandang hubog at very firm na pa­ngangatawan niya dahil sa kanyang healthy living at healthy lifestyle na parte na ng kanyang pang-araw-araw na buhay.

Aminado si Korina na malaki ang kinalaman ng dating kasamahan sa ABS-CBN na si Kim Atienza sa kanyang kaseksihan ngayon. Na-inspire siya at nagpursigeng ma-attain ang magan-dang pangangatawan dahil naiinggit siya sa slim body ni kuya Kim.

Komento nga ng isa niyang follower, “Sana ol madam K,” na sinagot naman agad ng TV magazine show host, na…“Kaya mo yan!”

In fairness, kakainggit talaga ang transformation ni Korina na nagmukhang bata ngayon na puring-puri ng mga umiidolo sa kanya. Kaya naman naintindihan namin siya nang supalpalin ang isang basher na nag-comment na “Yolanda se*y mo, trying hard enuf,” na sarcastic na sinagot ni Korina ng “Anong koneksyon? Laos ka beh.”

Di ba’t panira ng moment ang iba diyan na imbes ma-appreciate ang magandang transformation ng isang tao na maituturing na inspiring journey at magandang tularan ngayong panahon ng pandemya ay inookray pa.

***

HINDI lingid sa kaala­man ng marami na isa si Angel Locsin sa mga aktres na may puso sa mga nangangailangan kahit noong  bago pa man ang pandemic. Kaya naman expected na naming may mag-aalok sa kanyang pasukin ang pulitika para mas maraming tao ang matulungan.

Sa vlog ni Ogie Diaz, inilabas niya ang ilang kasamahan sa industriyang tinulungan ni Angel  tulad na lamang nina Lester Llansang at Janus del Prado. Isa si Ogie sa nakakaalam at makaka-pagpatunay sa mga kaibigang natulungan ni Angel. In her own little way, tahimik na tumutulong  ang misis ni Neil Arce sa mga nangangailangan, dahilan para alukin siya ni Ogie na tumakbong senador. Pero walang balak si Angel na pasukin ang pulitika. Tanggap niyang hindi siya para dito, pero mag-eendorso raw siya ng taong nararapat sa senado.

“Maglalagay tayo ng senador na karapat-dapat. Hindi ako,” ayon sa Kapamilya actress.

Magiging aktibo raw si Angel sa pangangampanya sa darating na eleksyon para sa kandidatong pinaniniwalaan niyang manilbihan sa bansa. Masuwerte ang kandidatong ikakampanya ni Angel dahil marami siyang followers na handa siyang suportahan.

Related posts:

KIKO ESTRADA PILI ANG BARKADA; GUSTO ANG MAY GOOD INFLUENCE SA KANYA HEAVEN PERALEJO SINAGOT ANG ‘GOLD DIGGER’ ISYU MYLENE DIZON MUNTIK NANG MAG-QUIT SA SHOWBIZ JILLIAN WARD, SOFIA ABLAN AT ALTHEA ABLAN HUHUSGAHAN SIMULA NGAYONG ARAW KRIS AQUINO BACK OUT SA PELIKULA TAKOT MAG-FLOP