ZAMBALES-ARESTADO ang notorious drug pusher na rank no. 7 ng Philippine Drug Enforcement Agency sa Brgy, Sta.Rita Olongapo City.
Sa inisyal na report na tinanggap ni Zambales PNP Provincial Director Col.Fitz Macariola, kinilala ang mga nadakip na sina George Elefane y Edquilane @Baboy/ @Jun Baboy, 57-anyos; Erwin Sonza y Etchon 29-anyos; Dhan Zarem y Castroverde, @Sarim, 27-anyos ng Begonia St., Barangay Sta. Rita, at Ryan Javier, 26-anyos, Rizal Ave., Brgy. East Bajac Bajac, Olongapo City.
Ayon sa PDEA, si Elefane ang posibleng operator ng drug den sa naturang barangay.
Nakumpiska mula sa mga suspek ang 12 gramo ng shabu na nagkakahalaga ng P 82,800.00, assorted drug paraphernalia at buy-bust money.
Samantala kasong paglabag sa RA 9165 o Comprehensive Dangerous Drugs Act of 2002 ang kakaharapin ng mga suspek. THONY ARCENAL
