KIM CHIU MAY BOUTIQUE BUSINESS AT FRANCHISE NG JULIE’S BAKESHOP

NAKIKITA namin tuwing mapadadaan kami sa  may Tandang Sora cor, Visayas Ave­nue na malakas ang Julie’s Bakeshop franchise ni Kim Chiu na ipinatayo niya few years ago. At take note may boutique business na rin pala si Kim na tinatawag na Adorata Weddings located at 85 P. T. Square, 85 P. Tuazon Blvd, Cubao, Quezon City. We heard, napaka-indemand ng negosyo ng  Kapamilya actress na hindi lang  kapwa celebrities ang nag-o-order sa kanya ng wedding gown kundi ‘yung mayayamang patrons. At dahil sa mga business ni Kim, pati kanyang mga kaanak sa Cebu ay natutulungan na rin ng actress.   Busy siya ngayon sa shooting ng movie nila ni Dennis Trillo sa Regal Entertainment, Inc na “One great Love.”

SEN BONG REVILLA PALALAYAING PANSAMANTALA SA KANYANG KAARAWAN

PALAG si Sen. Jinggoy Estrada sa inihain sa kanilang selective justice kung kaya’t nakulong sila ng mga kapwa senador na si Sen. Juan Ponce Enrile at Sen. Bong Revilla. Ang masaklap pareho na silang pinalayang pansamantala ni Sen Enrile pero ang Titanic action star na si Bong ay nakakulong pa rin. Sana nga ay  makalaya na rin siya pansamantala ngayong malapit na ang kanyang kaarawan.

Nakagagalit sa lahat ng supporter ni Bong dahil hanggang ngayon ay hindi alam ng nakararami kung paano nga ba isinagawa ni dating DOJ Sec. Leila De Lima, nina dating Ombudsman Conchita Carpio Morales at Commission on Audit Grace Pulido Tan ang sinasabing reklamo ni Jinggoy.

Dasal ni Sen. Bong  ay bigyan naman siya ng pagkakataong makalabas at hindi naman siya tatakas sa kaso. Fair and square lang. Tanong tuloy ng San Beda College of Law Graduate School na si Dean Fr. Ranhilio Aquino, “bakit hindi ito inusig ni De Lima noon? “Bakit inuusig n’yo pa rin si Sen. Bong hanggang ngayon?

EAT BULAGA PA RIN ANG NUMBER ONE NOONTIME SHOW SA NUTAM RATINGS 

SA MAGAGANDA  at nakaaaliw na segment ng Eat Bulaga na napanonood araw-araw kasama na ang malaking Beauty Pageant on  Air na “Miss Millennial Philippines 2018” na nasa year 2. Daily ring nangi­ngibabaw at tinatalo ng Eat Bulaga ang katapat nilang It’s Showtime sa NUTAM People Ratings. Hindi talaga maka-score sa EB ang Showtime na parati silang tinatalo ng NUTAM ng 2 percent to 3%.