KIM CHIU OUT NA SA “IT’S SHOWTIME”

Ilang buwan na rin nating naririnig ang tsikang may tatanggaling host sa It’s Showtime. Walang may idea kung sino ang tatanggalin imposible namang si Vice Ganda at Vhong Navarro. Sila ang mainstay doon. Pero may nakarating sa      aming reliable information na si Kim Chiu raw ang aalisin.

Last week, panay ang pasaring ni Kim sa kanyang post sa Instagram. Wala naman siyang binabanggit na pangalan, para kanino ang patama?.

Sabi ng aming informant, madalas na tulala si Kim at walang ganang mag-host. Napansin din si Kim sa grandfinals ng Tawag ng Tanghalan na palaging nagkakamali. Madalas din siyang mabu­lol na para bang wala sa loob ang ginagawa.

Kung ganito ang gina­gawa ni Kim, baka kahit wala namang plano ang It’s Showtime management na tanggalin siya, baka mapilitan silang gawin ito. Ano ba ang bumabagabag sa kanya? Sana’y magsalita na si Kim.

oOo

MYGZ MOLINO NAGSALITA NA  SA NANGYARI KAY MAHAL

Muntik nang hindi matapos ni Mygz Molino ang kanyang unang ap­pearance matapos mamatay si Mahal. Umiiyak siya at halatang hindi pa nakaka-recover sa pagkamatay ng ka-partner. Nag-apologize si Mygz sa mga tagahanga nila kung bakit hindi siya nakapunta sa burol at libing ni Mahal. Naka-quarantine daw kasi siya at ang kanyang pamilya ng 15 days at bawal sila lumabas sa bahay. Hindi sila pinapayagang umalis ng bahay kaya kahit gusto niyang pumunta sa burol ni Mahal ay hindi niya nagawa.

Bagsak ang katawan at malalim ang mga mara ni Mygz. Halatang hanggang ngayon ay hindi pa siya nakaka-recover sa nangyari. Ayon kat Mygz ginawa niya ang lahat para gumaling si Mahal. Inalagaan daw nya ito ng ilang araw sa bahay, hanggang sa mapilitan silang dalhin na ito sa ospital dahil hindi na nila kaya. Pero mas lalo raw lumala ang kalagayan ni Mahal. Ginawa raw niya ang lahat ng paraan para mabuhay lang si Mahal bumigay na ito. Hindi na kinaya ng katawan.

Pero nagpapasalamat daw siya kay Mahal sa ibinigay nitong kasiyahan at pagmanahal sa kanya at sa lahat nitong tagahanga. Ani Mygz, matagal bago niya makakalimutan si Mahal.

Noong hindi pa siya nagsasalita, nag-alala sa kanya ang napakarami nilang mga tagahanga. Dahil nga hindi nagbigay agad ng kanyang statement si Mygz, kung ano-ano ang naging sapantaha ng lahat. Pero ngayong nagsalita na siya, panatag na ang kalooban ng mga tagahanga.

Masayang malungkot ang naging ending ng tandem nina Mygz at Mahal. Pero sa milyon-milyong fans na kanilang pinasaya, sapat na siguro ito para hindi makalimutan ng lahat si  Mahal.