KINUMPIRMA NG DA: BIRD FLU NAKAPASOK NA SA NUEVA ECIJA

PILIPINO Mirror
BIRD FLU-3

KINUMPIRMA ng Department of Agriculture (DA) na nakapasok na ang bird flu, isang uri ng highly-pathogenic avian influenza, sa Nueva Ecija.

Sa isang press conference, sinabi ni Agriculture Secretary William Dar na naitala ang kaso sa isang quail farm sa Jaen, Nueva Ecija kung saan 1,500 quails o ibong nangingitlog ng pugo ang namatay.

Bunsod nito, agad inilikas o pina-depopulate ang 12,000 quails upang hindi mahawaan ng bird flu.

Nananatili namang negatibo sa naturang sakit ang mga kalapit na poultry farm ng apektadong pasilidad sa nabanggit na probinsiya.

Napag-alaman kay DA veterinarian Dr. Arlene Vytiaco na delikadong magkaroon ng contact sa dumi at pawis ng infected na ibon dahil posibleng ma-transmit ang nasabing virus.

Ayon sa DA chief, may posibilidad na makahawa ang naturang sakit maging sa tao, subalit napakanipis, aniya, ng tiyansa nito.

Katunayan, wala aniyang namatay sa apat na napaulat na kaso ng human transmission nito sa China habang nangako naman ang kalihim na gagamitin ang quick response fund ng ahensiya para labanan ang nakahahawang bird flu. BENEDICT ABAYGAR, JR.

Related posts:

BIRD FLU OUTBREAK ENERO PA NAGSIMULA PAGHAWA NG BIRD FLU SA TAO ‘VERY RARE’ BIRD FLU(Naitala sa Luzon, Mindanao) BAGONG KASO NG BIRD FLU poultry(1.2M manok kailangang patayin)17 LUGAR TINAMAAN NG BIRD FLU BIRD FLU(Ipinatupad ng DA dahil sa banta ng bird flu)POULTRY IMPORT BAN SA JAPAN, HUNGARY, CA BIRD FLUPOULTRY PRODUCTS MULA CAPIZ BAWAL MUNA SA ILOILO ITLOG-5(Pagbaba ng presyo matatagalan pa — PEBA)SUPLAY NG ITLOG APEKTADO NG BIRD FLU Default ThumbnailPOULTRY IMPORT BAN SA BELGIUM INALIS NA

Comments are closed.