HIWALAY na ang komedyanang si Kiray at ang kanyang businesman-boyfriend na 
kasosyo niya sa kanilang negosyong Chicks and Fins.
Bagama’t wala siyang direktang involvement sa operasyon ng kanilang food business, naging industrial partner ang D’ Ninang star dito.
Halos tatlong taon din ang itinagal ng kanilang relasyon.
Noong Hunyo ng nakaraang taon, aminado siyang dumaan sa matinding pagsubok ang kanilang relasyon. Aminado rin siyang napapadalas ang kanilang away noon pero wala raw naman itong kaugnayan sa pera.
Nilinaw rin niya na walang third party na involved sa kanyang split.
“Hindi siya tungkol sa pera, pero tungkol siya sa private matters naming dalawa, tungkol sa aming dalawa. Nagkaroon ng problema. Na-realize ko na kahit gaano katagal mo kilala ‘yung isang tao, pag hindi talaga para sa ‘yo, hindi talaga para sa ‘yo. Hindi siya nasusukat sa haba ng panahong kakilala mo siya, pero sa kung gaano ka niya nirerespeto,” malaman niyang pahayag.
Pagkatapos ng kanilang breakup, nagpa-buy out na rin daw siya at kumalas na sa negosyong pinagsosyohan nila ng kanyang ex.
Hirit pa ni Kiray, wala raw nangyari sa kanila ng kanyang boyfriend at nananatiling virgin pa siya hanggang ngayon.
Happy naman ang comedienne sa piling ng kanyang bagong boyfriend na si Stephan Estopia na nakilala niya through her brother.
Mahilig daw itong maglaro ng Mobile Legends at feeling niya, swak na swak sila dahil marami silang common interests.
“Matagal ko na siyang kilala, pero hindi lang kami nag-uusap. Parehas kaming heartbroken ‘tapos nakapag-usap kami. Iyong lahat ng hinahanap ko sa isang tao, sa isang lalaki, nasa kanya talaga kasi super bait siya at nirerespeto niya ako. Naa-appreciate ko rin na sobra siyang family-oriented at nirerespeto niya hindi lang ako kundi pati ang mga parents ko at mga kapatid,” pagtatapos niya.
Tungkol naman sa isyu ng umano’y hindi pagre-renew ng prangkisa ng ABS-CBN kung saan siya nabigyan ng break at nakilala, hindi na raw ito nagma-matter sa kanya ayon sa komedyana.
Si Kiray ay kasama sa cast ng D’ Ninang na pinagbibidahan ng comedy queen na si Ai Ai delas Alas.
Kasama rin sa cast sina Kisses Delavin, McCoy de Leon, Joey Marquez, Lou Veloso, Kiray Celis, Angel Guardian at Kevin Miranda.
Comments are closed.