NASUSPINDE ang nakatakdang mainitang labanan ng Barangay Ginebra at Meralco para sa Game 6 ng Governors’ Cup Finals makaraang umusok ang kisame ng Araneta Coliseum, South Gate Brgy. Socorro, Cubao, Quezon City nitong Miyerkules ng umaga.
Sa inisyal na report ni Senior Inspector Nerica M Macana ng Quezon City Fire District (QCFD), bandang alas-11:49 ng umaga nang umusok ang kisame at mabilis na kumalat sa playing area ng Big Dome kaya naman mabilis na pinalabas ang mga personnel na nasa loob.
Agad namang naapula ang apoy bandang ala-1:30 ng hapon at wala namang napaulat na nasugatan.
Patuloy pang inaalam ng arson investigators ang sanhi ng apoy mula sa kisame ng Big Dome.
EVELYN GARCIA