LAGUNA- TINUTUGIS ngayon ng puwersa ng Magallanes, Cavite PNP ang isang Michael Hernandez matapos umanong holdapin ang isang sangay ng “Pitmaster” na nagpapatakbo ng online sabong sa nasabing bayan kamakalawa.
Sa pahayag sa pulisya, sinabi ni Jessa Luna, 24-anyos at empleyado ng nabanggit na kompanya na nagsasagawa sila ng imbentaryo sa kinita ng online sabong nang bigla pumasok ang suspek at hinablot ang bag ng pera na hawak-hawak ng isang Ebenezer Lazarte at sabay tutok ng dala nitong baril.
Inutusan ni Hernandez ang biktima na dumapa sa semento at ini-lock ng suspek ang pinto ng kahera at dali-daling sumakay sa isang motorsiklo.
Ayon sa ilan pang empleyado ng sabungan, si Hernandesz ay madalas na natatalo sa online sabong at ito marahil ang ang dahilan kung bakit nagawa nitong mangholdap. ARMAN CAMBE